ଡାବୁଗାଁ ସହକାରୀ କୃଷି ଅଧିକାରୀ ରିଟେଲରଙ୍କ ଦୋକାନ ଚେକିଂ
ନବରଙ୍ଗପୁର:(୨୨|୬)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ କୃଷି ଅଧିକାରୀ କାର୍ଯ୍ୟାଳୟ ରୁ ଏକ ଟିମ୍ ଡାବୁଗାଁରେ ଥିବା ବିଭିନ୍ନ ସାର ବିକ୍ରେତାଙ୍କ ଦୋକାନ ବୁଲି ସୋମବାର ଚେକିଂ କରିଥିଲେ । ସାର ବିକ୍ରେତା ଚଢା ଦରରେ ଡି ଏ ପି ସାର ବିକ୍ରି କରୁଥିବା କୃଷି ବିଭାଗ କୌଣସି ସୁତ୍ରରୁ ଖବର ପାଇ ଏଭଳି ଚେକିଂ କରାଯାଇଥିଲା l କୃଷି ବିଭାଗ ଆଜି ବିଭିନ୍ନ ସାର ବିକ୍ରେତାଙ୍କ ଦୋକାନକୁ ଯାଇ ଡିଏପି ୧୮:୪୬:୦ , ୨୦:୨୦:୦:୧୩ , ୨୮:୨୮:୦ ଓ ୧୪:୩୫:୧୪ ର ବିକ୍ରି କରୁଥିବା ଦର ଓ ତାହାର ରେଜିଷ୍ଟରର ଯାଞ୍ଚ କରିଥିଲେ । ଡ଼ିଏପିର ବ୍ୟଗ ରେ ଥିବା ମୂଲ୍ୟରେ ବିକ୍ରି କରିବା ପାଇଁ ନିର୍ଦ୍ଦେଶ ଦେଇଥିଲେ । ଆଗାମୀ ଦିନରେ ଡାବୁଗାଁ ର ସମସ୍ତ ସାର ଦୋକାନ ଓ ରିଟେଲର ମାନଙ୍କ ଦୋକାନର ଚେକିଂ କରାଯିବା ସହ ରେଜିଷ୍ଟର ଯାଞ୍ଚ କରାଯିବ ବୋଲି ସହକାରୀ କୃଷି ଅଧିକାରୀ ଜ୍ୟୋତିର୍ମୟୀ ତାଡ଼ିଙ୍ଗୀ କହିଥିଲେ । ଚେକିଂରେ କୃଷି ଅଧି ଦର୍ଶକ ଦିଲୀପ ମାଝୀ ସହକାରୀ କୃଷି ଅଧିକାରୀ ଙ୍କୁ ସହଯୋଗ କରିଥିଲେ l ଏଭଳି ଚେକିଂ ବାରମ୍ବାର ହେବା ଦ୍ଵାରା ଚଢା ଦରରେ ବିକ୍ରି କରୁଥିବା ବ୍ୟବସାୟୀମାନେ ସଜାଗ ରହି ଚାଷୀ ମାନଙ୍କୁ ଉଚିତ୍ ଦାମରେ ବିକ୍ରି କରିଲେ ଚାଷୀ ଉପକୃତ ହୋଇ ପାରିବେ ବୋଲି ମତ ପ୍ରକାଶ ପାଇଛି l ଚେକିଂ ହୋଇଥିବାରୁ ଚାଷୀମାନେ ଅଧିକାରୀଙ୍କୁ ସାଧୁବାଦ ଜଣାଇଛନ୍ତି l ଅଧିକ ମୂଲ୍ୟରେ ବିକ୍ରି କରୁଥିବା ସାର ବ୍ୟବସାୟୀଙ୍କ ମନରେ ଛନକା ପଶିଯାଇଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
