ଏକ କ୍ଵିଣ୍ଟାଲ ଗଞ୍ଜେଇ ଜବତ, ୨ ଗିରଫ
ନୂଆପଡ଼ା,୦୯.୦୭.(ସୁଜିତ କୁମାର ପ୍ରଧାନ )ନୂଆପଡ଼ା ଜିଲ୍ଲା ଓଡ଼ିଶା – ଛତିଶଗଡ ସୀମାନ୍ତ ଗରିଆବନ୍ଧ ଜିଲ୍ଲା ମେନପୂର ଥାନା ପୋଲିସକୁ ଏକ ବଡ ଧରଣର ସଫଳତା ମିଳିଛି l ଓଡ଼ିଶାରୁ ମଧ୍ୟ ପ୍ରଦେଶକୁ ଚୋରା ଚାଲାଣ ବେଳେ ମେନପୁର ଥାନା ଝରିଆବାହାରା ଗାଁ ନିକଟରୁ ପ୍ରାୟ ୧ କ୍ଵିଣ୍ଟାଲ ୨ କିଲୋ ଗଞ୍ଜେଇ ଜବତ ହୋଇଛି l ବିଶେଷ ସୂତ୍ରରୁ ସୂଚନା ପାଇ ମେନପୁର ପୋଲିସ ଝରିଆବାହାରା ଗାଁ ନିକଟରେ ପୋଲିସ ନାକା ଲଗାଇ ଥିଲା l ଏକ ଧଳା ରଙ୍ଗର ଦାମୀ କାରରୁ ୧ କ୍ଵିଣ୍ଟାଲ ୨ କିଲୋ ଗଞ୍ଜେଇ ଜବତ ହୋଇ ଥିଲା l ଗିରଫ ଦୁଇ ଜଣ ମଧ୍ୟ ପ୍ରଦେଶର ଆର୍ୟନ ମାଳବିୟ ଓ ଅଭିଷେକ ମେହସ୍କର ବୋଲି ଜଣା ପଡିଛି l ଅଭିଯୁକ୍ତମାନେ ଓଡ଼ିଶାରୁ ଗଞ୍ଜେଇ ମଧ୍ୟ ପ୍ରଦେଶକୁ ଚୋରା ଚାଲାଣ କରୁ ଥିଲେ l ଦୁଇ ଜଣଙ୍କୁ ଗିରଫ କରିବା ସହ କାର ଜବତ କରିଛି ପୋଲିସ ବୋଲି କରଣ ୟୁକେ ଏଏସପି, ଗରିଆବନ୍ଧ ଜଣାଇଛନ୍ତି l
