୮୦ ତମ ସ୍ଵାଧୀନତା ଦିବସ ଅବସରରେ ବନ ବିଭାଗର ଚାରା ରୋପଣ କାର୍ଯ୍ୟକ୍ରମ
ନବରଙ୍ଗପୁର:(୧୫|୮)(ଧୃତି ରଞ୍ଜନ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ବନାଞ୍ଚଳ ଅଧିକାରୀ ରାମ ଚନ୍ଦ୍ର ମାଝୀଙ୍କ ନିର୍ଦ୍ଦେଶ କ୍ରମେ ଡାବୁଗାଁ ବାଗବେଡା ଧବଳେଶ୍ଵର ଶୈବ ପିଠ ପରିସରରେ ଚାରା ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଅବସରରେ ବିଜେଡ଼ି ରାଜ୍ୟ ସଭା ସାଂସଦ ପ୍ରତିନିଧି ରାମା ରାଓ ଚୌଧୁରୀ ମୁଖ୍ୟ ଅତିଥି ଭାବେ ଯୋଗ ଦେଇ ଚାରା ବୃକ୍ଷ ରୋପଣ କାର୍ଯ୍ୟକ୍ରମରେ ସାମିଲ ହୋଇଥିଲେ l ବନ ବିଭାଗର ବନପାଳ ପ୍ରଫୁଲ୍ଲ ମାଝୀ, କୋଇଲାରୀ ବନରକ୍ଷୀ ତାପସ ରଞ୍ଜନ ପଟ୍ଟନାୟକ ଚାରା ବୃକ୍ଷ ରୋପଣ କାର୍ଯ୍ୟକ୍ରମରେ ସହଯୋଗ କରିଥିଲେ l ସ୍ଵାଧୀନତା ଦିବସ ଅବସରରେ ବିଭିନ୍ନ ଚାରା ମଧ୍ୟରେ ଲଲାଟ, ଚମ୍ପା, ଅଶୋକ, ରୁଦ୍ରାକ୍ଷ,ବାସ ଚନ୍ଦନ,ପାସ୍ତା ବାଦାମ,ବେଲ,ଦେଶୀ ଲିମ୍ବ, ବଉଳଏପରି ଚାରା ରୋପଣ କରାଯାଇ ପରିବେଶକୁ ସୁସ୍ଥ କରିବାର ପ୍ରୟାସ ଜାରୀ ରଖିବେ ବୋଲି ବନପାଳ ଶ୍ରୀ ମାଝୀ ସୂଚନା ଦେଇଛନ୍ତି l ଆହୁରି ଭଲ ଉପାଦେୟ ଔଷଧୀୟ ଚାରା ବୃକ୍ଷ ଲଗାଇବେ ବୋଲି ସେ ତାଙ୍କର ନିଜସ୍ଵ ମତ ବ୍ୟକ୍ତ କରିଥିଲେ l
ନବରଙ୍ଗପୁର ଜିଲ୍ଲା ଡାବୁଗାଁ ବ୍ଳକରୁ ଧୃତି ରଞ୍ଜନ ମହାନ୍ତିଙ୍କ ରିପୋର୍ଟ ମସିହା ନିଉଜ୍
