ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
ଆଞ୍ଚଳିକ

ରାସ୍ତା ମଝିରେ ଗାଡ଼ି ରଖି ଚାଲିଗଲେ ଡ୍ରାଇଭର, ଟ୍ରାଫିକ ଜାମ୍‌ରେ ଲୋକେ ହନ୍ତସନ୍ତ

ରାସ୍ତା ମଝିରେ ଗାଡ଼ି ରଖି ଚାଲିଗଲେ ଡ୍ରାଇଭର, ଟ୍ରାଫିକ ଜାମ୍‌ରେ ଲୋକେ ହନ୍ତସନ୍ତ

ରାୟଗଡ଼ା: ରାସ୍ତା ମଝିରେ ଦୀର୍ଘ ସମୟ ଧରି ଗାଡ଼ି ରଖି ଡ୍ରାଇଭର ଚାଲିଯିବା ଯୋଗୁଁ ରାୟଗଡ଼ା ସହରର କପିଳାସ ଛକ ନିକଟସ୍ଥ ଟ୍ରାଫିକ ଛକରେ କିଛି ସମୟ ପାଇଁ ଟ୍ରାଫିକ ସମସ୍ୟା ସୃଷ୍ଟି ହୋଇଥିଲା। ବ୍ୟସ୍ତ ରାସ୍ତା ମଝିରେ ଗାଡ଼ି ଛିଡ଼ା କରି ରଖାଯାଇଥିବାରୁ ଉଭୟ ପାର୍ଶ୍ୱରୁ ଆସୁଥିବା ଯାନବାହନ ଚଳାଚଳରେ ବାଧା ଉପୁଜିଥିଲା।

ସୂଚନା ପାଇ ଟ୍ରାଫିକ ପୋଲିସ ଘଟଣାସ୍ଥଳରେ ପହଞ୍ଚି ଗାଡ଼ି ଚାଳକଙ୍କୁ ତାଗିଦ କରିବା ସହ ରାସ୍ତାରୁ ଗାଡ଼ି ହଟାଇବାକୁ ପଦକ୍ଷେପ ନେଇଥିଲେ। ପରେ ଗାଡ଼ି ହଟିବାରୁ ଟ୍ରାଫିକ ସମସ୍ୟା ସ୍ୱାଭାବିକ ହୋଇଥିଲା।

ସହରର ବ୍ୟସ୍ତ ଛକ ଓ ମୁଖ୍ୟ ରାସ୍ତାଗୁଡ଼ିକରେ ଏଭଳି ମନଇଚ୍ଛା ପାର୍କିଂ ଯୋଗୁଁ ବାରମ୍ବାର ଟ୍ରାଫିକ ସମସ୍ୟା ଦେଖାଦେଉଛି। ପ୍ରଶାସନ ଓ ଟ୍ରାଫିକ ପୋଲିସ ପକ୍ଷରୁ ନିୟମ ମାନିବାକୁ ବାରମ୍ବାର ସଚେତନ କରାଯାଉଥିଲେ ମଧ୍ୟ କେତେକ ଚାଳକ ଏହାକୁ ଗୁରୁତ୍ୱ ଦେଉନଥିବା ଅଭିଯୋଗ ହେଉଛି।

ବ୍ୟସ୍ତ ରାସ୍ତା ମଝିରେ ଗାଡ଼ି ରଖି ଚାଲିଯିବା କେବଳ ଟ୍ରାଫିକ ବ୍ୟବସ୍ଥାକୁ ବିଗାଡ଼ୁନାହିଁ, ବରଂ ଜରୁରୀକାଳୀନ ଆମ୍ବୁଲାନ୍ସ ଓ ଅନ୍ୟାନ୍ୟ ଯାନବାହନ ଚଳାଚଳରେ ମଧ୍ୟ ବାଧା ସୃଷ୍ଟି କରିପାରେ। ତେଣୁ ଏଭଳି ଅବ୍ୟବସ୍ଥିତ ପାର୍କିଂ ବିରୋଧରେ ନିୟମିତ ଯାଞ୍ଚ ସହ କଠୋର କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହେଉଛି।

ପ୍ରଶାସନର ପଦକ୍ଷେପ ସତ୍ତ୍ୱେ ଯଦି ଚାଳକମାନେ ନିୟମ ନମାନନ୍ତି, ତେବେ ଆଗାମୀ ଦିନରେ ଏଭଳି ଘଟଣା ଅଧିକ ଟ୍ରାଫିକ ଅବ୍ୟବସ୍ଥାର କାରଣ ହୋଇପାରେ। ତେଣୁ ନିୟମ ପାଳନ କରିବା ସହ ରାସ୍ତାକୁ ନିଜସ୍ୱ ପାର୍କିଂ ସ୍ଥାନ ଭାବେ ବ୍ୟବହାର ନକରିବାକୁ ସଚେତନ ନାଗରିକମାନେ ଆହ୍ୱାନ ଜଣାଇଛନ୍ତି।

ଗୌରୀ ପଟ୍ଟନାୟକ ଙ୍କ ରିପୋର୍ଟ୍ 

Related posts

ପୂର୍ବତନ ସରପଞ୍ଚ ଙ୍କ ହୃଦଘାତ ରେ ଦେହାନ୍ତ 

Sunil Chandra Nayak

ସାହିତ୍ୟ ପରିଷଦର ମାସିକ ସାରସ୍ଵତ ସମାବେଶ ଅନୁଷ୍ଠିତ

masiha

ପଞ୍ଚାୟତ ସ୍ତରୀୟ ଏମବିକେ ଓ ସିଆରପିସି ନିଯୁକ୍ତି ପ୍ରଦାନ

Sunil Chandra Nayak

Leave a Comment

error: Content is protected !!