ଇନର ହୁଇଲ ର ସାମାଜିକ କାର୍ଯ୍ୟକ୍ରମ
ରାଉରକେଲା:ଇନର ହୁଇଲ କ୍ଲବ୍ ଅଫ୍ ରାଉରକେଲା ରିଭରସାଇଡ ତରଫରୁ ବିଭିନ୍ନ ସାମାଜିକ କାର୍ଯ୍ୟକ୍ରମ କରାଯାଇଛି। ଅନୁଷ୍ଠାନର ସଭାପତି ଅଞ୍ଜଳି ହୋତା ଓ ସମ୍ପାଦିକା ମଞ୍ଜୁଳା ପାତ୍ରଙ୍କ ଆବାହକତ୍ୱରେ ଆୟୋଜିତ ଏହି ସାମାଜିକ କାର୍ଯ୍ୟକ୍ରମ ଅନ୍ତର୍ଗତ ଲହୁଣିପଡା ଠାରେ ଥିବା କଳ୍ପତରୁ ଆଶ୍ରମର ୩୫ ଜଣ ଅନ୍ତେବାସୀମାନଙ୍କ ପାଇଁ ଆହାର ପ୍ରୋଜେକ୍ଟ କାର୍ଯ୍ୟକ୍ରମରେ ଚାଉଳ,ହରଡ ଡାଲି,ଚଣା ଡାଲି,ଚୁଡା, ଚିନି,ସୁଜି, ବିସ୍କୁଟ,ସର୍ଫ, ସାବୁନ, ଟୁଥପେଷ୍ଟ ଆଦି ପ୍ରାୟ ଚଉଦ ହଜାର ଟଙ୍କାର ସାମଗ୍ରୀ ପ୍ରଦାନ କରାଯାଇଥିଲା। ସେହିପରି ସମ୍ପ୍ରତ୍ତି ବର୍ଷାକୁ ଲକ୍ଷ୍ୟ ରେ ରଖି ରାସ୍ତା କଡ଼ରେ ବସି ବ୍ୟବସାୟ କରୁଥିବା ବ୍ୟବସାୟୀ ଭାଇ ମାନଙ୍କୁ ଛତା ବଣ୍ଟନ କରାଯାଇଥିଲା। ଅନ୍ୟପଟେ ରିଭରସାଇଡ ର ସମସ୍ତ ସଦସ୍ୟା ଙ୍କ ମଧ୍ୟରେ ଐକ୍ୟବଦ୍ଧତା ରକ୍ଷା କରିବା ପାଇଁ ସ୍ଥାନୀୟ ପ୍ଲୁଟନ ମଲ ଠାରେ ଏକ ବନ୍ଧୁମିଳନ ର କାର୍ଯ୍ୟକ୍ରମ କରାଯାଇଥିଲା। ଏହି ସମସ୍ତ କାର୍ଯ୍ୟକ୍ରମରେ ସଭାପତି ଶ୍ରୀମତୀ ହୋତା, ସମ୍ପାଦିକା ଶ୍ରୀମତୀ ପାତ୍ରଙ୍କ ବ୍ୟତୀତ ସୁପ୍ରିୟା ମହାନ୍ତି, ସବିତା ମହାନ୍ତି, ଅନିତା ନାୟକ,ଅମ୍ରିତା ତ୍ରିପାଠୀ,ଅଜିତା ମହାନ୍ତି,ସମରଜିତ ଶେଖନ, ମମତା ପାଠୀ,ମଞ୍ଜୁବାଳା ପାଢ଼ୀ, ସୁଚିତ୍ରା, ସୁପ୍ରଭା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
