ଏବିଇଓ ଙ୍କ ହସ୍ତଗତ ପରେ ସମାଧାନ ର ବାଟ ଫିଟିଲା
ଗୋଳାମୁଣ୍ଡା ୨୧/୫ ମସିହା ନ୍ୟୁଜ କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ସାନଚେରଗାଁ ବସ୍ତିପଡା ପ୍ରାଥମିକ ବିଦ୍ୟାଳୟରେ ଶିକ୍ଷକ ଅଭାବହେତୁ ବିଦ୍ୟାଳୟରେ ତାଲା ମାରିଥିଲେ ପଡ଼ାବାସୀ । ସୂଚନାରୁ ପ୍ରକାଶ ଯେ ଏହି ବିଦ୍ୟାଳୟରେ ପ୍ରଥମରୁ ପଞ୍ଚମ ପର୍ଯ୍ୟନ୍ତ ୯୯ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ପୂର୍ବରୁ ତିନି ଜଣ ଶିକ୍ଷକ କର୍ଯ୍ୟରତ ଥିଲେ ସେଥି ମଧ୍ୟରୁ ମହିଳା ଶିକ୍ଷୟିତ୍ରୀ ଜଣକ ଦୀର୍ଘ ଦିନ ଧରି ଅନୁପସ୍ଥିତ ରହିଆସୁଛନ୍ତି । ବାକି ରହିଲେ ଦୁଇ ଶିକ୍ଷକ ସେମାନଙ୍କ ମଧ୍ୟରୁ ଜଣେ ଡେପୁଟେସନରେ ଯିବା ହେତୁ ଜଣେ ପାଠ ପଢେଇବେ ନା କାଗଜ କାମ କରିବେ । ଏ ନେଇ ଗତ ଏପ୍ରିଲ ୧୮ରେ ବିଦ୍ୟାଳୟର କମିଟି ଓ ପଡ଼ାବାସୀ ପକ୍ଷରୁ ଗୋଳାମୁଣ୍ଡା ଗୋଷ୍ଠି ଶିକ୍ଷା ଅଧିକାରୀଙ୍କୁ ଏକ ଲିଖିତ ଅଭିଯୋଗ କରିଥିଲେ ସୁଦ୍ଧା ଏପର୍ଯ୍ୟନ୍ତ କୋୖଣସି ଶିକ୍ଷକ ନିଯୁକ୍ତ ନ ଦେଇଥିବାରୁ ଆଜି ସକାଲ ୬ଘଟିକା ସମୟରେ ପଡ଼ାବାସୀ ପକ୍ଷରୁ ବିଦ୍ୟାଳୟକୁ ତାଲାବନ୍ଦ କରିଥିଲେ । ଗୋଳାମୁଣ୍ଡା ଗୋଷ୍ଠି ଶିକ୍ଷା ଅଧିକାରୀ ଶ୍ରୀଯୁକ୍ତ ନବ ସାହୁ ତାଲା ପକାଇଥିବା ଖବର ପାଇ ତୁରନ୍ତ ଅତିରିକ୍ତ ଗୋଷ୍ଠି ଶିକ୍ଷାଅଧିକାରୀ ଶ୍ରୀଯୁକ୍ତ ଲବଣୀ ନାଏକଙ୍କୁ ସମସ୍ୟାର ସମାଧାନ କରିବାକୁ ନିର୍ଦେଶ ଦେଇଥିଲେ । ଶ୍ରୀ ନାଏକ ବିଦ୍ୟାଳୟର କମିଟି ଓ ପଡ଼ାବାସୀଙ୍କ ସହ ଆଲୋଚନା କରି ଏକମାସ ଭିତରେ ଏକ ପ୍ରଧାନ ଶିକ୍ଷକ ନିଯୁକ୍ତି ଦେବାକୁ ପ୍ରତିଶ୍ରୁତି ଦେବା ପରେ ତାଲା ଖୋଲିଦେଇଥିବା ପ୍ରକାଶ ପାଇଛି ।ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତିଙ୍କ ରିପୋର୍ଟ, ମସିହା ପ୍ରତିନିଧି,