ଗୋଳାମୁଣ୍ଡା/ମସିହା/୨୨/୫/ କଳାହାଣ୍ଡି ଜିଲ୍ଲା,ଗୋଳାମୁଣ୍ଡା ବ୍ଲକ ବୃନ୍ଦାବାହାଲ ପଞ୍ଚାୟତର ବିଜୁଏକ୍ସପ୍ରେସ ଠାରୁ ଲିମସେର ଗ୍ରାମକୁ ଯାଉଥିବା ପ୍ରଧାନମନ୍ତ୍ରୀ ସଡକ ଯୋଜନା ରାସ୍ତାରେ ସୃଷ୍ଟି ହୋଇଥିବା ଘାଇ ବିପଦ ସଂକୁଳ ଅବସ୍ଥାରେ ଗତିକରୁଛି । ଏହି ରାସ୍ତା ଉପରେ ସାଇକେଲ ଠୁ ଆରମ୍ବ କରି ଅନେକ ଓଜନିଆ ଗାଡି ମଧ୍ୟ ଯିବାଆସିବା କରୁଛି । କେତେବେଳେ ଯେ କଣ ହେବ କେହିବି କହିପାରିବେ ନାହିଁ । ଏହି ଘାଇ ମୃତ୍ୟୁକୁ ଆମନ୍ତ୍ରଣ କରୁଛି ବୋଲି ବୁଦ୍ଧିଜୀବୀ ମହଲରେ ବେଶୀ ଚର୍ଚ୍ଚା ହେଉଛି ।
ଏନେଇ ଗତ ସାତ ବର୍ଷଠୁ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ଜଣାଇ ଥିଲେ ମଧ୍ୟ ପ୍ରତିଶୃତି ଛଡା କିଛି କାର୍ଯ୍ୟକାରୀ ହୋଇ ନ ଥିବାରୁ ଗ୍ରାମବାସୀ ମଧ୍ୟରେ ଉଦବେଗ ପ୍ରକାଶ ପାଉଛି । ପୂର୍ବରୁ ଜଣେ ଛାତ୍ର ଏହି ଘାଇ ଭିତରେ ପଡି ମୃତ୍ୟୁ ମୁଖରୁ ଅଳ୍ପକେ ବର୍ତିଯାଇଥିଲେ । ଏ ନେଇ ଗ୍ରାମ୍ୟ ଉନ୍ନୟନ ବିଭାଗ ସହକାରୀ ଯନ୍ତ୍ରୀଙ୍କୁ ଫୋନ ଯୋଗାଯୋଗ କରାଯାଇଥିଲା । ସହକାରୀ ଯନ୍ତ୍ରୀ ଏକ ମାସ ଭିତରେ କାମ କରାଯିବ ବୋଲି ସଫେଇ ଦେଇଥିଲେ । ବର୍ତ୍ତମାନ ବର୍ଷାଋତୁ ପାଖେଇ ଆସୁଛି ଯଥା ଶୀଘ୍ର ଗ୍ରାମ୍ୟ ଉନ୍ନୟନ ବିଭାଗ ଦୃଷ୍ଟି ଦେବାକୁ ଗ୍ରାମବାସୀ ପକ୍ଷରୁ ଦାବି ହେଉଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ମସିହା,
