କୋକସରା,୨୩/୫-(ମ ନି ସ) କଳାହାଣ୍ଡି ଜିଲ୍ଲା କୋକସରା ବ୍ଲକ ବଙ୍ଗୋମୁଣ୍ଡା ଆଦର୍ଶ ବିଦ୍ୟାଳୟ କୋକସରା ର ୩ ଜଣ ଛାତ୍ରୀ ରାଜ୍ୟ ସ୍ତରୀୟ ଯୋଗ ପ୍ରତିଯୋଗିତା ରେ ଉତ୍ତୀର୍ଣ୍ଣ ହୋଇଛନ୍ତି। ସୋମବାର ଜିଲ୍ଲାର ଭବାନୀପାଟଣା ବି.ଏମ ହାଇସ୍କୁଲ ଠାରେ ଆୟୋଜିତ ପ୍ରତିଯୋଗିତାରେ ବିଭିନ୍ନ ବ୍ଲକ ରୁ ଆସିଥିବା ୫୦ ରୁ ଉର୍ଦ୍ଧ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ। ପ୍ରତିଯୋଗୀଙ୍କ ମଧ୍ୟରୁ ବରିଷ୍ଠ ବର୍ଗରେ କୋକସରା ଆଦର୍ଶ ବିଦ୍ୟାଳୟ ର ନବମ ଶ୍ରେଣୀ ଛାତ୍ରୀ ଲିଲି ମଙ୍ଗରାଜ, କନିଷ୍ଠ ବର୍ଗରେ ଆଦର୍ଶ ବିଦ୍ୟାଳୟ ର ୭ ମ ଶ୍ରେଣୀ ର ଛାତ୍ରୀ ପ୍ରୀତି ରାଉତ ଓ ଗୋପଶ୍ରୀ ନାଗ ରାଜ୍ୟ ସ୍ତରରେ ହେବାକୁ ଥିବା ଯୋଗ ପ୍ରତିଯୋଗିତାରେ ଭାଗ ନେବାକୁ ଉତ୍ତୀର୍ଣ୍ଣ ହୋଇଛନ୍ତି। ଏହି ସଫଳତା ପାଇଁ କୋକସରା ବଙ୍ଗୋମୁଣ୍ଡା ସ୍ଥିତ ଆଦର୍ଶ ବିଦ୍ୟାଳୟ ଗର୍ବ ଅନୁଭବ କରୁଥିବା ବେଳେ ଆଦର୍ଶ ବିଦ୍ୟାଳୟ ର ଖେଳ ଶିକ୍ଷକ ବସନ୍ତ କୁମାର ମହନ୍ତ ଓ କୋକସରା ଜବାହର ଉଚ୍ଚ ବିଦ୍ୟାପୀଠର ଖେଳ ଶିକ୍ଷକ ଅମିତ କୁମାର ମହାନ୍ତି ଙ୍କ ପ୍ରଶିକ୍ଷଣ ଯୋଗୁଁ ସଫଳତା ହାସଲ କରିଥିବା ଛାତ୍ରୀ ମାନେ ପ୍ରକାଶ କରିଛନ୍ତି। ଆଗକୁ ଯୋଗ ପ୍ରଶିକ୍ଷଣ କ୍ଷେତ୍ରରେ ଛାତ୍ରୀ ମାନେ ସ୍ୱାବଲମ୍ବୀ ହେବା ସହ ନିଜ ଶିକ୍ଷାନୁଷ୍ଠାନର ନାମ ରଖିବାକୁ ଶପଥ ନେଇଥିବା କହିଛନ୍ତି ।