ପୁରୁଣା ଦିନ
ହଜିତ ଗଲାଣି ସମୟ ସୁଅରେ
ପୁରୁଣା ଦିନର ସ୍ମୃତି
ମନରେ ପଡ଼ିଲେ ଲାଗ ଇ ଯେମିତି
ସମୟ ଯାଇଛି ବିତି
ହଜିତ ଗଲାଣି………………୧
ବର ଆସୁଥିଲା ପାଲିଙ୍କିରେ ବସି
ଝିଅ ବିଦା ସବାରି ରେ
ତିନି ଓଳି ଖାଇ ବରଯାତ୍ରୀ ମାନେ
ଫେରନ୍ତି ଝିଅ ସାଥିରେ
ଶୁଭେନାହିଁ ଏବେ ବାହୁନା କାନ୍ଦଣା
ଛାଡି ଆସେ ସାଙ୍ଗ ସାଥି
ହଜିତ ଗଲାଣି………………୨
ନବବଧୂଟିର ମୁଣ୍ଡରେ ଓଢ଼ଣା
ଲମ୍ବାକରି ଦିଏ ଟାଣି
ଗୀତା ଭାଗବତ ମୁହଁରେ ମୁଖସ୍ଥ
ଗାଇ ନିଏ ମନ ଜିଣି
ସଞ୍ଜ ସକାଳରେ ଚଉଁରା ମୂଳରେ
ଦୀପ ଜାଳୁଥାଏ ନିତି
ହଜିତ ଗଲାଣି ସମୟ ସୁଅରେ
ପୁରୁଣା ଦିନର ସ୍ମୃତି …………୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର