ରାଉରକେଲା/ ସେକ୍ଟର ୧୯ଥାନା ଅନ୍ତର୍ଗତ ଗଜପତି ମାର୍କେଟ ର ବି-୨୭୨ ନମ୍ବର ଦୋକାନରୁ ବେଆଇନ ଭାବେ ଗଚ୍ଛିତ ଥିବା ୧୯୮ଟି ବିଭିନ୍ନ ବ୍ରାଣ୍ଡର ମଦକୁ ସେକ୍ଟର ୧୯ଥାନା ପକ୍ଷରୁ ଜବତ କରାଯାଇଛି। ଥାନାଧିକାରୀ ମାନସ ସ୍ବାଇଁ ଙ୍କ ନିର୍ଦ୍ଦେଶରେ ସବ ଇନ୍ସପେକ୍ଟର ରଞ୍ଜିତ କୁଲୁ ଓ ଅନ୍ୟ ଷ୍ଟାଫ୍ ମାନେ ଗଜପତି ମାର୍କେଟର
ଉକ୍ତ ଦୋକାନ ଉପରେ ଚଢାଉ କରି ଏହାର ମାଲିକ ମିଶ୍ର ଖଟାଲ ନିବାସୀ ସଞ୍ଜୟ ବେହେରା କୁ ଗିରଫ କରି ମଦ ଗୁଡିକୁ ଜବତ କରିଥିଲେ। ସେକ୍ଟର ୧୯ଥାନା ପକ୍ଷରୁ ଚଢାଉ ପରେ ଅସାଧୁ ବ୍ୟବସାୟରେ ଲିପ୍ତ ଥିବା ବ୍ୟକ୍ତିଙ୍କ ମଧ୍ୟରେ ଛନକା ପଶିଥିବା ବେଳେ ଗିରଫ ଶ୍ରୀ ବେହେରା ଙ୍କୁ କୋର୍ଟ ଚାଲାଣ କରାଯାଇଛି। ଆଗାମୀ ଦିନରେ ଏହି ଚଢାଉ ଜାରି ରହିବ ବୋଲି ଥାନାଧିକାରୀ ଶ୍ରୀ ସ୍ବାଇଁ ସୂଚନା ଦେଇଛନ୍ତି।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ।
