ଗଜ ଉଦ୍ଧାରଣ ବେଶ
ଗଜରାଜ ଡାକ ଦେଲା
ଥାଇ ଘୋର ଜଳେଣ,
ଚକ୍ରପେଶି ନକ୍ରନାଶି
ଉଦ୍ଧରିଲେ ଆପଣ। ୦।
ଭକତର ଭଗବାନ
ରଖିବାକୁ ସ୍ମରଣ,
ଗଜରାଜ ବେଶ ହେଲ
ଆହେ ଚକାନୟନ। ୧।
ଭ୍ୟୋମବଂଶ ରାଜମାତା
କରିଲେ ପ୍ରଚଳନ,
ଶ୍ରୀ ବିଗ୍ରହ ହେବେ ବେଶ
ମାଘ ପୂର୍ଣ୍ଣିମା ଦିନ। ୨।
ଜଗନ୍ନାଥ ବଳଭଦ୍ର
ହୁଅନ୍ତି ଚତୁ଼ଃହସ୍ତ,
ଦ୍ଵିଭୁଜ ହୁଅନ୍ତି ପୁଣି
ଭଗ୍ନୀ ସୁଭଦ୍ରା ମାତ। ୩।
ଶଙ୍ଖ,ଚକ୍ର,ଗଦା,ପଦ୍ମ,
ଜରି ଶୋଲ ନିର୍ମିତ,
ପକ୍ଷୀରାଜ ପୃଷ୍ଠେ ପ୍ରଭୁ
ପଦ୍ମାସନେ ଶୋଭିତ। ।୪।
ବଳଭଦ୍ରଙ୍କ ହସ୍ତରେ
ଶୋଭେ ହଳ ମୂଷଳ,
ମୁଷ୍ଟିବଦ୍ଧ ମା’ ହସ୍ତରେ
ପଦ୍ମ ଯେ ଢଳଢଳ। ।୫।