କାହାକୁ ଭାବନା ଛୋଟ
ପ୍ରତାପ କିଶୋର ରାଉତ
ଛୋଟ ଫୁଲ ଟିଏ ସୁବାସ ବିତରି
ଜଗତେ ମହାନ ହୁଏ
ଛୋଟ ପକ୍ଷୀ ଟିର କଲରବ ଶତ
ଜନ ମନ ମୋହି ନିଏ ।
ଛୋଟ ଝରଣା ର କଳ କଳ ତାନ
ଆନନ୍ଦ ଦିଅଇ ମନେ
ଛୋଟ ପିଲା ଟିର ମୁଖ ରେ ହସ ଟି
ବିଷାଦ ଦୁରଇ ଯେହ୍ନେ ।
ଛୋଟ ନଈ ଟିଏ ବହି ବହି ଶେଷେ
ବିରାଟ ରୂପ ଧରଇ
ଛୋଟ ଖଦ୍ୟୋତ ଟି ରଜନୀ ରେ ସତେ
କେଡେ ସୁନ୍ଦର ଦିଶଇ ।
ଛୋଟ ଘାସ ପରେ କରକା ବିନ୍ଦୁ ଟି
କି ସୁନ୍ଦର ଦିଶେ ଆହା
ଛୋଟ ବଟ ବୃକ୍ଷ ବଢି ବଢି ଦିନେ
ବିରାଟ ଦ୍ରୁମ ରେ ଠିଆ ।
ଛୋଟ ମଧ୍ୟେ ଥାଏ ବଡ ସମ୍ଭାବନା
ଜଗତ ର ରୀତି ଏହି
ଛୋଟ କୁ କେବେ ଟି ଛୋଟ ଭାବ ନାହିଁ
ବଡ଼ ହୁଏ ଦିନେ ସେହି ।
ତେନ୍ତୁଳିପଦୀ, ହାଟଡ଼ିହି,କେନ୍ଦୁଝର