କିନ୍ତୁ କିଏ କାହା ବିରୋଧରେ କିଏ କେତେ ଭୋଟରେ ଜିତିଛନ୍ତି ?
ରାଜେନ୍ଦ୍ର କୁମାର ଦୁଇଥର ରାଷ୍ଟ୍ରପତି ଭାବେ ନିର୍ବାଚିତ
ଓଡିଶାରୁ ରାଷ୍ଟ୍ରପତି ହୋଇଥିବା ଏକମାତ୍ର ବ୍ୟକ୍ତି ହେଉଛନ୍ତି ଭିଭି ଗିରି
ଦେଶରେ ସମୁଦାୟ ୧୪ଜଣ ରାଷ୍ଟ୍ରପତି ଆସନରେ ବସିଛନ୍ତି । କେବଳ ରାଜେନ୍ଦ୍ର କୁମାର ଦୁଇଥର ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି । ସେହିପରି ରାଜେନ୍ଦ୍ର ପ୍ରସାଦଙ୍କ ନାଁରେ ଆଉ ଏକ ରେକର୍ଡ ରହିଛି । ୧୯୫୭ ମସିହା ରାଷ୍ଟ୍ରପତି ନିର୍ବାଚନରେ ସେ ସର୍ବାଧିକ ୯୮.୯୯% ଭୋଟ ପାଇ ବିଜୟୀ ହୋଇଥିଲେ । ଏହା ଥିଲା ତାଙ୍କର ଦ୍ଵିତୀୟ ପାଳି ।
୧୯୫୨ମସିହାରେ ହୋଇଥିଲା ଦେଶର ପ୍ରଥମ ରାଷ୍ଟ୍ରପତି ନିର୍ବାଚନ । କଂଗ୍ରେସର ପ୍ରାର୍ଥୀ ହୋଇଥିଲେ ଡ଼ ରାଜେନ୍ଦ୍ର ପ୍ରସାଦ । ତାଙ୍କ ବିପକ୍ଷରେ ଥିଲେ ସ୍ୱାଧୀନ ପ୍ରାର୍ଥୀ କେ.ଟି. ଶାହ।ଏହି ନିର୍ବାଚନରେ ୮୩.୮୧ ପ୍ରତିଶତ ଭୋଟ ପାଇ ବିଜୟୀ ହୋଇଥିଲେ ରାଜେନ୍ଦ୍ର ପ୍ରସାଦ । କେ.ଟି. ଶାହଙ୍କୁ ମିଳିଥିଲା ପ୍ରାୟ ୧୫ ପ୍ରତିଶତ ଭୋଟ । ୧୯୫୭ରେ ହୋଇଥିଲା ଦ୍ଵିତୀୟ ରାଷ୍ଟ୍ରପତି ନିର୍ବାଚନ । ଏହି ନିର୍ବାଚନରେ ୯୮.୯୯ ପ୍ରତିଶତ ଭୋଟ ପାଇଥିଲେ ରାଜେନ୍ଦ୍ର ପ୍ରସାଦ।ଚୌଧୁରୀ ହରି ରାମଙ୍କୁ ହରାଇଥିଲେ ଡ଼ ରାଜେନ୍ଦ୍ର ପ୍ରସାଦ । ୧୯୬୨ମସିହାରେ ଦେଶ ଦେଖିଥିଲା ତୃତୀୟ ରାଷ୍ଟ୍ରପତି ନିର୍ବାଚନ।ସ୍ୱାଧୀନ ପ୍ରାର୍ଥୀ ଭାବେ ୯୮.୨୫ ପ୍ରତିଶତ ଭୋଟରେ ଜିତିଥିଲେ ସର୍ବପଲ୍ଲୀ ରାଧାକ୍ରିଷ୍ଣନ । ଏହି ନିର୍ବାଚନରେ ମଧ୍ୟ ହାରିଥିଲେ ଚୌଧୁରୀ ହରି ରାମ ।୧୯୬୭ ନିର୍ବାଚନରେ ୫୬.୨୩ପ୍ରତିଶତ ଭୋଟରେ ଜିତିଥିଲେ ଡ଼ ଜାକିର ହୁସେନ । ଯିଏଥିଲେ ଦେଶର ପ୍ରଥମ ମୁସଲମାନ ରାଷ୍ଟ୍ରପତି । ତାଙ୍କର ନିକଟତମ ପ୍ରତିଦ୍ବନ୍ଦୀ ଥିଲେ କୋକା ସୁବ୍ବା ରାଓ । ୧୯୬୯ ନିର୍ବାଚନରେ ଭିଭି ଗିରି ୫୦.୦୯ପ୍ରତିଶତ ଭୋଟରେ ବିଜୟୀ ହୋଇଥିଲେ । ୪୯.୧୦ ପ୍ରତିଶତ ଭୋଟ ପାଇଁ ଦ୍ଵିତୀୟ ସ୍ଥାନରେ ରହିଥିଲେ ନିଲମ ସଞ୍ଜୀବ ରେଡ୍ଡୀ । ଓଡିଶାରୁ ରାଷ୍ଟ୍ରପତି ହୋଇଥିବା ଏକମାତ୍ର ବ୍ୟକ୍ତି ହେଉଛନ୍ତି ଭିଭି ଗିରି ।
ସେହିପରି ୧୯୭୪ ନିର୍ବାଚନରେ ଫକୀରୁଦ୍ଦିନ ଅଲ୍ଲୀ ଅହମ୍ମଦ ୭୯.୯ ପ୍ରତିଶତ ଭୋଟରେ ଜିତିଥିଲେ । ତ୍ରିଦିବ ଚୌଧୁରୀଙ୍କୁ ପରାସ୍ତ କରିଥିଲେ ସେ । ୧୯୭୭ରେ ନିର୍ଦ୍ବନ୍ଦରେ ବିଜୟୀ ହୋଇଥିଲେ ନିଲମ ସଞ୍ଜୀବ ରେଡ୍ଡୀ ସେ ଏକମାତ୍ର ରାଷ୍ଟ୍ରପତି ଯେ କି ନିର୍ଦ୍ବନ୍ଦରେ ବିଜୟୀ ହୋଇଛନ୍ତି । ୧୯୮୨ରେ ଜୈଲ ସିଂ ହୋଇଥିଲେ ରାଷ୍ଟ୍ରପତି । ତାଙ୍କୁ ମିଳିଥିଲା ୭୨.୭୩ ପ୍ରତିଶତ ଭୋଟ । ୧୯୮୭ ନିର୍ବାଚନରେ ୭୨.୨୯ ପ୍ରତିଶତ ଭୋଟ ପାଇ ଆର. ଭେଙ୍କଟ ରମଣ ହୋଇଥିଲେ ରାଷ୍ଟ୍ରପତି । ଏହି ନିର୍ବାଚନରେ ଭି ଆର କ୍ରିଷ୍ମ ରାଓ ନିର୍ବାଚନ ହାରିଥିଲେ । ୧୯୯୨ ମସିହା ନିର୍ବାଚନରେ ଶଙ୍କର ଦୟାଲ ଶର୍ମା ହୋଇଥିଲେ ରାଷ୍ଟ୍ରପତି । ୬୫.୯ ପ୍ରତିଶତ ଭୋଟ ପାଇ ହୋଇଥିଲେ ରାଷ୍ଟ୍ରପତି ।୧୯୯୭ ମସିହାରେ ନିର୍ବାଚନରେ କେ ଆର ନାରାୟଣ ହୋଇଥିଲେ ରାଷ୍ଟ୍ରପତି ସେ ୯୫ ପ୍ରତିଶତ ଭୋଟ ପାଇଥିଲେ ସେ ଟିଏନ ଶେସାନଙ୍କୁ ମିଳିଥିଲା ହରାଇଥିଲେ । ୨୦୦୨ ନିର୍ବାଚନରେ ସ୍ୱାଧୀନ ପ୍ରାର୍ଥୀ ଏପିଜେ ଅବଦୁଲ କଲାମ ଜିତିଥଲେ ନିର୍ବାଚନ । ୮୯.୬ପ୍ରତିଶତ ଭୋଟ ପାଇଥିଲେ କଲାମ।ତାଙ୍କଠାରୁ ପରାସ୍ତ ହୋଇଥିଲେ ଲକ୍ଷ୍ମୀ ସେହଗଲ । ୨୦୦୭ ନିର୍ବାଚନରେ ଦେଶକୁ ମିଳିଥିଲା ପ୍ରଥମ ମହିଳା ରାଷ୍ଟ୍ରପତି, ୬୫.୮ ପ୍ରତିଶତ ଭୋଟ ପାଇ ଜିତିଥିଲେ ପ୍ରତିଭା ଦେବୀ ସିଂ ପାଟିଲ । ନିର୍ବାଚନରେ ପରାସ୍ତ ହୋଇଥିଲେ ଭୈରୋ ସିଂ ସେଖାୱାତ । ୨୦୧୨ ନିର୍ବାଚନରେ ପ୍ରଣବ ମୁଖାର୍ଜୀ ଜିତିଥିଲେ ନିର୍ବାଚନ । ତାଙ୍କୁ ମିଳିଥିଲା ୬୯.୩ ପ୍ରତିଶତ ଭୋଟ।ଏହି ନିର୍ବାଚନରେ ଏନ୍ଡ଼ିଏ ପ୍ରାର୍ଥୀ ପିଏ ସାଙ୍ଗମା ହାରିଥିଲେ । ୨୦୧୭ ନିର୍ବାଚନରେ ରାମନାଥ କୋବିନ୍ଦଙ୍କୁ ମିଳିଥିଲା ୬୫.୬୫ ପ୍ରତିଶତ ଭୋଟ । ୟୁପି ପ୍ରାର୍ଥୀ ମୀରା କୁମାରୀ ପାଇଥିଲେ ୩୪.୩୫ ପ୍ରତିଶତ ଭୋଟ ।
ଵିଦ୍ୟାଧର ସାହୁଙ୍କ ରିପୋର୍ଟ…..