ଜୁନାଗଡ଼,୧୧/୪(ନି.ପ୍ର) ସି ଆର୍ ପି ଏଫ୍ ୬୪ ବାଟାଲିଅନ୍ କଳାହାଣ୍ଡି ତରଫରୁ ଜୁନାଗଡ ଥାନା ମଥୁରା କସ୍ତୁରାବା ଗାନ୍ଧୀ ଆବାସିକ ବାଳିକା ବିଦ୍ୟାଳୟ ଠାରେ ସହିଦ୍ ଟିକ୍ ଚନ ଙ୍କ ପ୍ରତିମୂର୍ତ୍ତି ରେ ଶ୍ରଦ୍ଧାଞ୍ଜଳି ଦିଆଯାଇଥିଲା l ଏହି ଅବସରରେ ସି ଆର୍ ପି ଏଫ୍ ଡେପୁଟି କମାଣ୍ଡେଣ୍ଟ ବିଶ୍ଵ କୁମାର ଶର୍ମା, ଇନ୍ସପେକ୍ଟର ଜି ଏନ୍ ପ୍ରଧାନ ପଲାଶ ସରପଞ୍ଚ ପ୍ରଭାକର ସେଠି, ପ୍ରଧାନ ଶିକ୍ଷୟିତ୍ରୀ ନୀଳିମା ମୁଣ୍ଡ ପ୍ରମୂଖ ସହିଦ୍ ଙ୍କ ଗ୍ରାମ ସର୍ଗୀ ଗୁଡା କୁ ଯାଇ ପରିବାର ଲୋକଙ୍କୁ ଭେଟି ଥିଲେ l ଏବଂ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ରେ ଥିବା ସହିଦ୍ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ଏଥି ସହ ଛାତ୍ର ଛାତ୍ରୀ ମାନଙ୍କ ଦ୍ଵାରା ଅନୁଷ୍ଠିତ ପ୍ରତିଯୋଗୀତା ରେ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା l ଶେଷରେ ସାସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ।
