କୋକସରା,୨୧/୬- (ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ ଲଡୁଗାଁ ଉଚ୍ଚ ବିଦ୍ୟାଳୟ, ସରସ୍ବତୀ ଶିଶୁ ବିଦ୍ୟା ମନ୍ଦିର କୋକସରା ଓ ବିଜେପି ଦଳ ପକ୍ଷରୁ ମଙ୍ଗଳବାର ବିଶ୍ୱ ଆନ୍ତର୍ଜାତିକ ଯୋଗ ଦିବସ ପାଳନ କରାଯାଇଛି । ଏହି ଅବସରରେ ଲଡୁଗାଁ ଉଚ୍ଚ ବିଦ୍ୟାଳୟ ଠାରେ ମୁଖ୍ୟ ଅତିଥି ଭାବେ 
ଭେଙ୍କଟେସ୍ବର ଇଂରାଜୀ ମିଡିୟମ ସ୍କୁଲ ର ଅଧ୍ୟକ୍ଷ ତ୍ରିନାଥ ଠାକୁର, ଉପାଧ୍ୟକ୍ଷ ରାଜୀବ ଅଗ୍ରୱାଲ, ସାମ୍ବାଦିକ ଶରତ ଚନ୍ଦ୍ର ରାଉତ, ଶିକ୍ଷକ ବୁଦ୍ଧିରାମ ନାଏକ ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀ ଙ୍କୁ ନିରୋଗ ରହିବା ପାଇଁ ଯୋଗ ଓ ପ୍ରାଣାୟମ ପ୍ରତିଦିନ କରିବା ପାଇଁ ପରାମର୍ଶ ଦେଇଥିଲେ ।
କୋକସରା ସରସ୍ବତୀ ଶିଶୁ ମନ୍ଦିର ଠାରେ ପ୍ରଧାନ ଆଚାର୍ଯ୍ୟ ଦେବାନନ୍ଦ ରାଉତଙ୍କ ପରିଚାଳନା ରେ ଛାତ୍ରଛାତ୍ରୀ ମାନେ ଯୋଗ ଓ ପ୍ରାଣାୟମ କରିଥିଲେ । କୋକସରା ଡିଗ୍ରୀ ମହାବିଦ୍ୟାଳୟ ର ଅଧ୍ୟକ୍ଷ ଗୁଣାକାର ପଣ୍ଡା ଙ୍କ ଅଧ୍ୟକ୍ଷତାରେ ରେ ଏନ.ସି.ସି, ଏନ.ଏସ.ଏସ ଓ ୟୁଥ ରେଡ଼କ୍ରସ ର ଛାତ୍ରଛାତ୍ରୀ ମାନେ ଯୋଗ ଦିବସ ପାଳନ କରିଛନ୍ତି । 
ଅଧ୍ୟାପକ ଅଶ୍ୱିନୀ ପଟ୍ଟନାୟକ, ସୁବ୍ରତ ବେହେରା, ଅଇରୀ ନାସନ ଚିନ୍ଦା ସମେତ କର୍ମଚାରୀ ଉପସ୍ଥିତ ରହିଥିଲେ । ସେହି ପରି କୋକସରା ବିଜେପି ମଣ୍ଡଳ ପକ୍ଷରୁ ମଧ୍ୟ କୋକସରା, ମୋଟେର ଓ ଆମପାଣି ଠାରେ ଯୋଗ ଦିବସ ପାଳିତ ହୋଇଯାଇଛି ।
