ଜଣାଣ
ମାନଗୋବିନ୍ଦ ସ୍ବାଇଁ
ବଡ଼ଦାଣ୍ଡ ମେଳ ଭକ୍ତଙ୍କ ଗହଳି
ତିନି ରଥେ ପ୍ରଭୁ ଉଭା
ସୁନ୍ଦର ଦିଶୁଛି ବଡ଼ଦାଣ୍ଡ ଆଜି
ଭକ୍ତ ମେଳେ ପ୍ରଭୁ ଶୋଭା।
ଭଜନ ଜଣାଣ କୀର୍ତ୍ତନ ହେଉଛି
ନୃତ୍ୟ ଶିଳ୍ପୀ କଳାକାର
ନିଜ କଳାକୃତି ବଖାଣି କହୁଛି
ଭକ୍ତି ମୋକଳା ଠାକୁର।
ଭକ୍ତ କରି ଭେଟ ଦୂର ଯା ସଂକଟ
ଜଣାଣ କରି ମୋ ଅଳି
ବୁଝ ମୋର ଦୁଃଖ ଆସୁ ଏବେ ସୁଖ
ଏତିକି ପାଦେ ମୋ ଅଳି।
ଭକ୍ତ ଆସୁଥାଏ ଭକ୍ତ ଯାଉଥାଉ
ଏସବୁ ପ୍ରଭୁଙ୍କ ଲୀଳା
ବରଷକେ ଥରେ ବଡ଼ଦାଣ୍ଡେ ଶୋଭା
ପ୍ରଭୁଙ୍କ ହୁଏ ତ ମେଳା।
ପରସ୍ପର ଭାବ ଭକ୍ତ ଭଗବାନ
ମୁକ୍ତ ହୁଏ ଦରଶନ
ଜନତା ଆସନ୍ତି ଭକ୍ତି ଭାବ ନେଇ
ଶାନ୍ତି ରହୁ ବିଶ୍ବ ଜନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
