ଏସ ଏଚ ଜି ନା କୌଣସି ଠିକା ସଂସ୍ଥା ଦ୍ୱାରା ଚାଲିଛି ମଣ୍ଡି ?
କଲମପୁର, ୨/୭ (ମସିହା) କଲମପୁର ବ୍ଲକ ଅନ୍ତର୍ଗତ କୋଟାଗାଁ ପଞ୍ଚାୟତ ର ମା ମଙ୍ଗଳା ଏସଏଚଜି ପରିଚାଳିତ ମଣ୍ଡି ରେ ନିୟୋଜିତ ଥିବା ମଣ୍ଡି ଶ୍ରମିକ ମାନେ ରବି ଋତୁ ମଣ୍ଡି ର ପାରିଶ୍ରମିକ ଅଦ୍ୟୋ ରୁ ପାଇ ନ ଥିବା ହେତୁ ଏସ ଏଚ ଜି ସଭାନେତ୍ରୀ ଙ୍କ ଘର ସମ୍ମୁଖରେ ଶୁକ୍ରବାର ଡେରା ପକାଇଥିଲେ l ଗତ ମଇ ମାସ ୨୮ ତାରିଖ ରୁ ଜୁନ ମାସ ୧୧ ତାରିଖ ପର୍ଯ୍ୟନ୍ତ ୬0 ଜଣ ଶ୍ରମିକ ବିଭିନ୍ନ ଟ୍ରକ ରେ ଧାନ ବୋଝେଇ କରିଥିଲେ l ଦୀର୍ଘ ୧୪ ଦିନ ମଧ୍ୟରେ ୩୫୦ ଚାଷୀଙ୍କ ୨୩,୯୫୦ କୁଇଣ୍ଟାଲ ଧାନ ବୋଝେଇ କରିଥିଲେ l କୁଇଣ୍ଟାଲ ପ୍ରତି ୧0 ଟଙ୍କା ହିସାବରେ ୨ ଲକ୍ଷ୍ ୪0 ହଜାର ଟଙ୍କା ମଣ୍ଡି ବନ୍ଦ ହୋଇ ଆଜକୁ ୨0 ଦିନ ବିତିଯାଇଥିଲେ ସୁଦ୍ଧା ସେମାନେ ତାଙ୍କ ପlରିଶ୍ରମିକରୁ କିଛି ବି ପାଇନଥିବାରୁ ଉଦବେଗ ପ୍ରକାଶ ପାଇଛି l ମଣ୍ଡି ଦାୟିତ୍ୱରେ ଥିବା ଏହି ଏସଏଚଜି କୁ ଶ୍ରମିକ ମାନେ ମଣ୍ଡି ସରିବା ଦିନଠାରୁ ନିଜ ପାରିଶ୍ରମିକ ପାଇଁ ବାରମ୍ବାର ଦାବୀ କରି ଆସୁଥିଲେ ମଧ୍ୟ ନିରାଶ ହୋଇଛନ୍ତି l ହେମାଳ କାମ କରି ଯଦି ପରିବାର ପାଇଁ ରଥଯାତ୍ରା ଖର୍ଚ୍ଚ ଟିଏ ପାଇ ପାରୁନାହାନ୍ତି ତାହେଲେ କାହିଁକି ଆଉ ଅନ୍ୟ ଦିନ ମଣ୍ଡି ରେ କାର୍ଯ୍ୟ କରିବେ ବୋଲି ପ୍ରକାଶ କରିଛନ୍ତି l ଏସଏଚଜି ସଭାନେତ୍ରୀ ରେମତୀ ଗହୀର କହିଛନ୍ତି ଯେ ଆମକୁ ଗତ ଖରିଫ ଋତୁ ମଣ୍ଡି ଠାରୁ କମିଶନ ଏବଂ ହେମାଳ ବାବଦ ର ଟଙ୍କା ଆସିନଥିବାରୁ ସେହି ଟଙ୍କା ଆସିଲେ ହିଁ ଦେବୁ ବୋଲି କହିଛନ୍ତି l ଏନେଇ ଜିଲ୍ଲା ଯୋଗାଣ ଅଧିକାରୀ କୁ ଯୋଗାଯୋଗ କରିବାରୁ ହଁ ଆମେ ୨ ସିଜନ ର ଟଙ୍କା କାହାକୁ ପଠାଇ ନାହୁଁ ଅନୁଦାନ ଆସିଲେ ପଠାଇବୁ l ଯେଉଁ ଏସଏଚଜି ମଣ୍ଡି ଦାୟିତ୍ୱରେ ଅଛନ୍ତି ସେମାନେ ତାଙ୍କ ନିଜ ସଂଚୟରୁ ଶ୍ରମିକ ଙ୍କୁ ଦେଇଥାନ୍ତୁ l ଅନ୍ୟ ସଂସ୍ଥା ମାନେ ସବୁ ତ ଏଭଳି କରି ଚାଲିଛନ୍ତି ବୋଲି କହିଥିଲେ l କିନ୍ତୁ ଏହି ଦାୟିତ୍ୱ ରେ ଥିବା ଏସଏଚଜି ପାଖରେ ସେତିକି ସମ୍ବଳ ନ ଥିବା ସଭାନେତ୍ରୀ ପ୍ରକାଶ କରିଛନ୍ତି l ଏଇଠି ପ୍ରଶ୍ନ ହେଉଛି ସରକାର ଏସଏଚଜି କୁ କମିଶନ ବାବଦ କୁ କୁଇଣ୍ଟାଲ ପ୍ରତି ୩0 ଟଙ୍କା ଏବଂ ଶ୍ରମିକ ବାବଦ କୁ ୧0 ଟଙ୍କା ଦେଉଛନ୍ତି l ତେବେ ହଜାର ହଜାର କୁଇଣ୍ଟାଲ ଧାନ ଗୋଟିଏ ମଣ୍ଡି ରେ ବିକ୍ରୟ ହେଉଥିଲେ ମଧ୍ୟ ଲକ୍ଷ ଲକ୍ଷ ଟଙ୍କା କମିଶନ ବାବଦ କୁ ସଂସ୍ଥା କୁ ଆସୁଛି l କିନ୍ତୁ ସେହି ସଂସ୍ଥା ଯଦି ବର୍ଷକ ର ଶ୍ରମିକ ପଇସା ଦେବାକୁ ଯଦି ସକ୍ଷମ ନୁହନ୍ତି ତାହେଲେ ସେହି ଅର୍ଥ କୁଆଡେ ଯାଉଛି ବୋଲି ସାଧାରଣରେ ପ୍ରଶ୍ନ ହେଉଛି l ପରଦା ପଛପଟେ ଅନ୍ୟ କୌଣସି ଏକ ଠିକା ସଂସ୍ଥା ରହି ଏସଏଚଜି ନାମରେ କାର୍ଯ୍ୟ କରୁଥିବା ଭଳି ମନେହେଉଛି l ଯାହାକି ମଣ୍ଡି ଶେଷ ହେବା କିଛି ଦିନ ପୂର୍ବରୁ ଶ୍ରମିକ ଙ୍କ ପାରିଶ୍ରମିକ ପାଇଁ ମଣ୍ଡି କୁ ଶ୍ରମିକ ମାନେ ବନ୍ଦ କରିଥିଲେ ସେତେବେଳେ ମଣ୍ଡି ଚାଲୁ ରଖ ଆମେ ୨ ଦିନ ମଧ୍ୟରେ ତୁମ ପାରିଶ୍ରମିକ ପଠାଇବୁ ବୋଲି କେହି ଜଣେ ବାହାର ବ୍ୟକ୍ତି ଫୋନ ରେ କହିଥିବା ହେମାଳ ମାନେ ପ୍ରକାଶ କରିଛନ୍ତି l ଏସବୁ ସତ୍ୱେ ମହିଳା ଏସଏଚଜି ର ଲକ୍ଷ ସାଧିତ ହେଇପାରୁନାହିଁ l ଶ୍ରମିକ କର୍ଣ୍ଣ କାଣ୍ଡ, ଭୀଷ୍ମ ସୁରୁଜlଳ, ଅଶୋକ କାଣ୍ଡ, ସୁଶାନ୍ତ ବେହେରା, ଚୈତନ୍ୟ କାଣ୍ଡ, ପ୍ରେମଲାଲ ମାଝୀ, ପରମାନନ୍ଦ ମାଝୀ, ଡିଙ୍ଗର କାଣ୍ଡ, ଗୁପ୍ତେ କାଣ୍ଡ, ସଂଜୀବ କାଣ୍ଡ ସମେତ ୩0 ରୁ ଅଧିକ ଶ୍ରମିକ କିଛି ବି ପାରିଶ୍ରମିକ ନ ପାଇ ହତାଶ ହୋଇ ଫେରିବାକୁ ବାଧ୍ୟ ହୋଇଛନ୍ତି l
ପରମାନନ୍ଦ ଠାକୁର , ମସିହା ପ୍ରତିନିଧି , କଲମପୁର