ରାଉରକେଲା, ୦୩/୦୭ : ରାଉରକେଲା ବନଖଣ୍ଡ ପକ୍ଷରୁ ୭୩ତମ ବନମହୋତ୍ସବ ପାଳନ ଅବସରରେ ଚାରା ବିତରଣ କେନ୍ଦ୍ରର ଶୁଭାରମ୍ଭ କରାଯାଇଛି । ରାଉରକେଲା ଆରସିସିଏଫ ଡଃ ଅରୁଣ କୁମାର ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ବିଶ୍ରା ଛକଠାରେ ଖୋଲା ଯାଇଥିବା ଚାରା ବିତରଣ କେନ୍ଦ୍ରର ଉଦ୍ଘାଟନ କରିଛନ୍ତି । ଏହି ଅବସରରେ ସେ କହିଲେ ଯେ, ଅଧିକରୁ ଅଧିକ ବୃକ୍ଷ ରୋପଣ ପାଇଁ ପ୍ରାୟ ୧୦ ଲକ୍ଷ ଚାରା ପ୍ରସ୍ତୁତ କରାଯାଇଛି । ରାଉରକେଲାକୁ ସବୁଜ ସୁନ୍ଦର କରିବା ପାଇଁ ସହରବାସୀ ଆଗେଇ ଆସିବା ସହ ଗଛଟିଏ ଲଗାଇବାକୁ ଡଃ ମିଶ୍ର ଆହ୍ୱାନ କରିଛନ୍ତି ।
ଏହି ଅବସରରେ ରାଉରକେଲା ଡିଏଫଓ ଯଶବନ୍ତ ସେଠୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ସେ ତାଙ୍କ ବକ୍ତବ୍ୟରେ କହିଲେ ଯେ, ସ୍ଥାନୀୟ ବିଶ୍ରା ଛକ ସମେତ ରାଉରକେଲା ବନଖଣ୍ଡରେ ୨୧ଗୋଟି ଚାରା ବିତରଣ କେନ୍ଦ୍ର ଆରମ୍ଭ କରାଯାଇଛି । ଏତଦ୍ବ୍ୟତୀତ ୬ଟି ଭ୍ରାମ୍ୟମାଣ ଗାଡି ଦ୍ୱାରା ମଧ୍ୟ ଗାଁ ଗାଁ ବୁଲି ଚାରା ବିତରଣ କରାଯିବ । ପ୍ରାୟ ଦୁଇ ମାସ ଧରି ଲୋକଙ୍କୁ ବିଭିନ୍ନ କିସମର ଚାରା ଯୋଗାଇ ଦିଆଯିବ । ଚାରା ବ ନ ସହ ବନମହୋତ୍ସବ ମଧ୍ୟ ପାଳନ କରାଯାଉଛି । ଏ ଦିଗରେ ସେ ସମସ୍ତଙ୍କ ସହଯୋଗ କାମନା କରିଥିଲେ । ଉଭୟ ଅତିଥି ଉପସ୍ଥିତ ପ୍ରକୃତିପ୍ରେମୀ ବ୍ୟକ୍ତିବିଶେଷଙ୍କୁ ଚାରା ବ ନ କରିଥିଲେ । ଏହି କାର୍ଯ୍ୟକ୍ରମରେ ରାଉରକେଲା ବନ ବିଭାଗର ରେଞ୍ଜର ରାଜେଶ ରଜକ, ଫରେଷ୍ଟର ହରିଶ ଚନ୍ଦ୍ର ଜେନା, ଫରେଷ୍ଟ ଗାର୍ଡ ରଜତ କୁମାର ମହାନ୍ତିଙ୍କ ସମେତ ଅନ୍ୟ ଷ୍ଟାଫ, ସାମାଜିକ ଅନୁଷ୍ଠାନର କର୍ମକ ର୍ା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
