ହେରାପଞ୍ଚମୀ
ପ୍ରଶାନ୍ତ କୁମାର ନାଥ
ନୀଳାଚଳ ଧାମ ଛାଡି ଯିବେ ଜଗା
ସୁନ୍ଦରାଞ୍ଚଳକୁ ବୁଲି
ଲକ୍ଷ୍ମୀଙ୍କ ପାଖରେ କଣ୍ଟ କରିଛନ୍ତି
ଏକ ଦିନ ପାଇଁ ଖାଲି।
ଏକ ଦିନ କହି ଲକ୍ଷ୍ମୀଙ୍କୁ ସାଆନ୍ତେ
ପାଞ୍ଚ ଦିନ ବିତିଲାଣି
କେମିତି ସହିବେ ଲକ୍ଷ୍ମୀ ଠାକୁରାଣୀ
ତୁମକୁ ନଦେଖି ପୁଣି।
ଖୋଜିଲେ ତୁମକୁ ବଡ଼ ଦାଣ୍ଡେ ଆସି
ଖୋଜିଲେ ଅନେକ ପଥ
ତୁମକୁ ନପାଇ କ୍ରୋଧିତ ହୋଇଲେ
ଦେଖିଲେ ତିନୋଟି ରଥ।
ଗୁଣ୍ଡିଚା ଦ୍ଵାରରେ ହୋଇଅଛି ଛିଡା
ତିନି ଦିଅଁ ରହୁଵର
ମନ୍ଦିର ମଧ୍ୟକୁ ଯିବାକୁ ଚାହାଁନ୍ତେ
ନିବୁଜ ହୋଇଛି ଦ୍ଵାର।
ଗୁଣ୍ଡିଚା ଦ୍ଵାରରୁ କ୍ରୋଧିତ ହୋଇଣ
ଫେରୁଥିଲେ ମାତା ଏକା
ନନ୍ଦିଘୋଷ ରଥ ପଥରେ ଦେଖିଣ
ପାଦେ ଦେଲେ ଶକ୍ତ ଧୋକା।
ଭାଙ୍ଗି ଦେଲେ ମାତା ନନ୍ଦିଘୋଷ ରଥ
ମନ ନହୋଇଲା ଶାନ୍ତ
ହେବିନାହିଁ କଥା ଜମାରୁ ମୁଁ ଆଉ
ଫେରିଲେ କଳା ସାଆନ୍ତ।।