ବାହୁଡା ଯାତ୍ରା
ଗୀତା ଦାସ
ଜଗାକାଳିଆ ମୋ ଜଗାକାଳିଆ,
ଭକତ ସୋଦର ଭାବ ବଳିଆ,
ଜଗାକାଳିଆ ….
ଭଉଣୀ ସୁଭଦ୍ରାଙ୍କୁ ଧରି ସାଥିରେ,
ଶୀରିଗୁଣ୍ଡିଚା ଯାତ କରୁ ମହୀରେ,
ମାଉସୀ ଶ୍ରୀଗୁଣ୍ଡିଚା ଭାଗ୍ୟବଳରେ,
ନବମ ଦିନଯାଏ ପାଏ କୋଳରେ ।
ଧନ୍ୟ ତୋ ଲୀଳାଖେଳା ମହାଛଳିଆ ।।
ଜଗାକାଳିଆ….
ଲଖିମି ମା’ମନ୍ଦିରେ ହୁଅନ୍ତି ବାଇ,
ସହଧରମିଣୀକୁ ସାଥେ ନ ନେଇ,
ହେରାପଞ୍ଚମୀ ଦିନ ମାଆ ରାଗରେ,
ଭାଙ୍ଗିଲେ ରଥୁ କାଠ ଗଲେ ମନ୍ଦିରେ,
ବାଢିଲେ କେତେ ଗାଳି ଅଭିମାନରେ
ମାନବ ପଣ ତୋର ନୀଳାଞ୍ଚଳିଆ ।।
ଜଗାକାଳିଆ ମୋ ….
ଯୁଗକୁ ଯୁଗ ଏହି ମତରେ ଥାଉ
ବିଭିନ୍ନ ରୂପେ ଦରଶନଟି ଦେଉ,
କିଏ ବା କଳିପାରେ ତୋର ମହିମା,
ଯାହାର ଆଦିଅନ୍ତ ନାହିଁତ ସୀମା।
ଶୁଭଦୃଷ୍ଟି ଦେଇଥିବୁ ମୋ ଗଳା-ମାଳିଆ।
ବଲରାମପୁର, କୁଜଙ୍ଗ, ଜଗତସିଂହପୁର
