ଆସ ପରଂବ୍ରହ୍ମ
ଜଗଦୀଶ ଶତପଥୀ
ଆସ ପରଂବ୍ରହ୍ମ ଆସ,
ଗଡିଯାଉ ନନ୍ଦିଘୋଷ।
ଧୋଇଦିଅ ମୋ’ର ଦୋଷ
କରନାହିଁ ଆଉ ରୋଷ।
ଆସ ପରଂବ୍ରହ୍ମ ଆସ।୧।
ପୃଥିବୀର ତୁହି ଉତ୍ତମ ପୁରୁଷ
ତୋର ଶ୍ରୀ ଚରଣେ ଦାସ।
ତୋର ପାଦତଳେ ଜୀବନ ଆରମ୍ଭ
ତୋର ପାଦତଳେ ଶେଷ।
ଆସ ପରଂବ୍ରହ୍ମ ଆସ।୨।
ସବୁଜିମା ଭରା ଏସାରା ଦୁନିଆଁ
ସଵୁ ତୋହଠାରେ ଵଶ।
ତୋ ବିନା ଲାଗେନା ଜୀବନ ଟା ଭଲ
ଲାଗଇ ସବୁତ ବିଷ।
ଆସ ପରଂବ୍ରହ୍ମ ଆସ।୩।
ଧରିବୁନି ଦୋଷ, କରିବୁନି ରୋଷ
ଦେଖାଥରେ ସୁନାବେଶ।
ଶ୍ରୀଚରଣ ତଳେ ଏତିକି ଗୁହାରି
ନରହୁ ହେ ଅବଶୋଷ।
ଆସ ପରଂବ୍ରହ୍ମ ଆସ।୪।
ଚାରିଦିଗେ ଦେଖ, ନିର୍ବୋଧ ମଣିଷ
କମାଉଛି ଅପଯଶ।
ପ୍ରଭୁ ଆସ ଆସ,ହଜୁଛି ବିଶ୍ୱାସ
ଚଢି ତୁମ ନନ୍ଦିଘୋଷ।
ଆସ ପରଂବ୍ରହ୍ମ ଆସ।୫।
ଧର୍ମଶାଳା , ଯାଜପୁର
