ଜୁନାଗଡ଼୧୩/୭(ମ ନି ସ) ଜୁନାଗଡ଼ ସ୍ଥିତ ଆଦର୍ଶ ବିଦ୍ୟାଳୟ ଠାରେ ସ୍ଥାୟୀ ଅଧ୍ୟକ୍ଷ ଓ ଶିକ୍ଷକ ନିଯୁକ୍ତି ଦାବୀ ନେଇ ବିଦ୍ୟାଳୟ ସମ୍ମୁଖରେ ଶ୍ରେଣୀ ବର୍ଜନ କରି ଛାତ୍ରଛାତ୍ରୀ ମାନେ ଧର୍ମଘଟ କରିଥିଲେ l ଏହି ବିଦ୍ୟାଳୟ୨୦୧୬ ମସିହାରୁ ଆରମ୍ଭ ହୋଇ ବର୍ତ୍ତମାନ ଷଷ୍ଠ ରୁ ଦଶମ ଶ୍ରେଣୀ ଯାଏ ପାଠ ପଢା ହେଉଛି l ହେଲେ ଏଠାରେ ଆବଶ୍ୟକ ଶିକ୍ଷକ ପଦବୀ ପୂରଣ ହୋଇ ପାରିନି l ଏପରିକି ଏଠାରେ ସ୍ଥାୟୀ ଅଧ୍ୟକ୍ଷ ପଦ ମଧ୍ୟ ଖାଲି ଅଛି l
ଏନେଇ ଅଭିଭାବକ ଓ ବିଦ୍ୟାଳୟ କର୍ତ୍ତୃପକ୍ଷ ବାରମ୍ବାର ଅଭିଯୋଗ କଲେ ମଧ୍ୟ ଏହା ପୂରଣ ହୋଇ ପାରୁ ନାହିଁ l ଏପରିକି ଏଠାରୁ ହିନ୍ଦୀ ଓ ସଂସ୍କୃତ ଶିକ୍ଷକ ଅନ୍ୟତ୍ର ବଦଳି ହୋଇ ଯାଇଥିଲେ ମଧ୍ୟ ଏଠାରେ ଏହି ଶିକ୍ଷକ ନିଯୁକ୍ତି କରାଯାଇ ନାହିଁ l ଯାହା ଫଳରେ ଛାତ୍ରଛାତ୍ରୀ ମାନଙ୍କୁ ପଢ଼ିବା ରେ ଅନେକ ସମସ୍ୟା ଦେଖା ଦେଇଛି l ଏଣୁ ସ୍ଥାୟୀ ଅଧ୍ୟକ୍ଷ, ପି ଜି ଟି, ଫିଜିକ୍ସ, ହିନ୍ଦୀ, ସଂସ୍କୃତ, ଆର୍ଟ, ମ୍ୟୁଜିକ ଶିକ୍ଷକ ଏବଂ କ୍ଲାର୍କ ନିଯୁକ୍ତି ଦାବୀ ନେଇ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ଶ୍ରେଣୀ ବର୍ଜନ କରି ସ୍କୁଲ ଗେଟ ସମ୍ମୁଖରେ ଧର୍ମଘଟ କରିଥିଲେ l ପ୍ରଶାସନ ତରଫରୁ ସ୍ଥାନୀୟ ବିଡ଼ିଓ ଦୁଲାରlମ ମାରାଣ୍ଡି ଘଟଣାସ୍ଥଳରେ ଉପସ୍ଥିତ ହୋଇ ଛାତ୍ରଛାତ୍ରୀ ଙ୍କ ସହ ଆଲୋଚନା କରିଥିଲେ l ଏଠାରେ ସ୍ଥାୟୀ ନିଯୁକ୍ତି ନ ହେବା ପର୍ଯ୍ୟନ୍ତ ଅସ୍ଥାୟୀ ଭାବେ ଶିକ୍ଷକ ବ୍ୟବସ୍ଥା କରାଯାଇ ପାଠ ପଢା ହେବ ବୋଲି ପ୍ରତିଶ୍ରୁତି ଦେବା ପରେ ଛାତ୍ରଛାତ୍ରୀ ଧର୍ମଘଟ ରୁ ଓହରି ଥିଲେ l
ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ
