ଈର୍ଷାର ଦାଉ

କୁନା ସେଠୀ

ଈର୍ଷାର ଦାଉ ବଡ଼ ଅସମ୍ଭାଳ

ନିଆଁ ପରି ଜାଳି ଦେଲା ହେ

ଆଗକୁ ବଢ଼ିବା ହେଲା ଅସୁବିଧା

ବଡ଼ କଲବଲ କଲା ହେ ।

ଭଲର ପାଖରେ ଇର୍ଷା ଠିଆ ହୋଇ

ଗୋଡ଼ ଟାଣି ଟାଣି ଗଲା ହେ

ଉନ୍ନତି ଆଗରେ ସିଏ ଠିଆ ହୋଇ

ଅବନ୍ନତି ବାଟ ଦେଲା ହେ ।

ଚିହ୍ନା ଓ ଅଚିହ୍ନା ବୁଝିବା ଆଗରୁ

ଇର୍ଷା ଯେ ଗୁଣି କଲା ହେ

ଇର୍ଷାରେ ପଡି ଛଟପଟ ହୋଇ

ଜୀବନ ଯେ ପାଣି ହେଲା ହେ ।

ଇର୍ଷା ଯେ ଦେଲା ମୃତ୍ୟୁ ର ଠିକଣା

ହିଂସାକୁ ସାଥି କଲା ହେ

ପ୍ରତିହିଂସା ତହିଁ ଜନମ କରିଲା

ଉଡାଇ ଈର୍ଷାର ବାନା ହେ ।

ମଣିଷ ମଣିଷ ଇର୍ଷାରେ ଜଳନ୍ତି

ବୁଝି ନ ପାରନ୍ତି ସିନା ହେ

ଈର୍ଷାଟା ପରା ସଭିଙ୍କୁ ଖାଉଛି

ବୁଝା ଅବୁଝାର ବିନା ହେ ।

ଭୁତସରସିଙ୍ଗି, ଗଞ୍ଜାମ