ମୃତକ ପରିବାର ଙ୍କୁ ମିଳିବ ୪ ଲକ୍ଷ ଲେଖାଏ ସହାୟତା
ନୂଆପଡା ଜିଲ୍ଲାର ଲଖନା ଥାନା ଅନ୍ତର୍ଗତ ସମର ସିଂ ଗାଁ ରେ ଭାଲୁ ଆକ୍ରମଣ ରେ ୩ ଜଣ ଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଅବସ୍ଥା ରେ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସିତ ହେଉଛନ୍ତି । ଭାଲୁ ଟି କୁ ଗ୍ରାମବାସୀ ମିଶି ଜଙ୍ଗଲ ନିକଟରେ ମାରିଦେଇଥିବା ବେଳେ ଘଟଣା ସ୍ଥଳ ରେ ବନବିଭାଗ ର ଏକ ଟିମ ପହଂଚିଛି ତଦନ୍ତ କରିବା ପାଇଁ । ଏହି ଘଟଣା ରେ ମୃତ୍ୟୁ ବରଣ କରିଥିବା ୩ ଜଣ ଙ୍କ ପରିବାର କୁ ୪ ଲକ୍ଷ ଟଙ୍କା ଲେଖାଏ ବନବିଭାଗ ପକ୍ଷରୁ ସହାୟତା ପ୍ରଦାନ କରାଯିବ ବୋଲି ବନଖଣ୍ଡ ଅଧିକାରୀ ସୁଶୀଲ କୁମାର ତ୍ରିପାଠୀ ପ୍ରକାଶ କରିଛନ୍ତି । ସେହିପରି ଗୁରୁତର ଆହତ ହୋଇଥିବା ଦୁଇ ଜଣ ଙ୍କ ସ୍ୱାସ୍ଥ୍ୟ ପରୀକ୍ଷା ଶହ ଡାକ୍ତରୀ ରିପୋର୍ଟ କୁ ନେଇ ସେମାନଙ୍କୁ ସହଯୋଗ ମିଳିବ ବୋଲି ପ୍ରକାଶ କରିଛନ୍ତି । ସମରସିଙ୍ଗ ଗାଁ ର ରତନ ମାଝୀ କାଲି ଦିନ ୧୦ ଘଣ୍ଟା ସମୟରେ ଜଙ୍ଗଲ କୁ ଜାଳେଣି କାଠ ସଂଗ୍ରହ ପାଇଁ ଯାଇଥିଲେ । ଦୀର୍ଘ ସମୟ ପର୍ଯ୍ୟନ୍ତ ସେ ଘରକୁ ନ ଫେରିବାରୁ ସଂପର୍କୀୟ ନକୁଳ ମାଝୀ ଶହ ବାଦଲ ମାଝୀ , ଶଙ୍କର ମାଝୀ , ନୂଆଧର ମାଝୀ , କୁନା ମାଝୀ ଓ ପରମେଶ୍ୱର ମାଝୀ , ରତନ ମାଝୀ ଙ୍କୁ ଜଙ୍ଗଲ କୁ ଖୋଜିବାକୁ ଯାଇଥିଲେ । ଏ ସମୟରେ ଜଙ୍ଗଲ ରେ ଥିବା ଭାଲୁଟି ପରମେଶ୍ୱର ମାଝୀ ଙ୍କୁ ଆକ୍ରମଣ କରିଥିଲା କିନ୍ତୁ ପରମେଶ୍ୱର ଗଛ ଉପରକୁ ଚଢି ଯାଇଥିଲେ । ପରେ ଭାଲୁ ଟି ନକୁଳ ମାଝୀ ଙ୍କୁ ଆକ୍ରମଣ କରି ରକ୍ତାକ୍ତ କରିବା ପରେ କୁନା ମାଝୀ ଙ୍କୁ ମଧ୍ୟ ଆକ୍ରମଣ କରିଥିଲା । ଏହି ସମୟ ରେ କୁନାମଝି ଓ ବାଦଲ ମାଝୀ ଶଙ୍କର ମାଝୀ ଓ ନୂଆଧର ମାଝୀ ଭାଲୁ ମୁହଁରୁ କୌଶଳ ରେ ବାହାରି ଗାଁ କୁ ଯାଇଥିଲେ।ଜଙ୍ଗଲ ରେ ରତନ ମାଝୀ କୁ ଭାଲୁ ମରିଦେଇଥିବା ଓ ନକୁକ ମାଝୀ ଙ୍କୁ ରକ୍ତାକ୍ତ କରିଥିବା ଓ ପରମେଶ୍ୱର ମାଝୀ ଗଛରେ ଚଡି ରହିଥିବା କହିବା ପରେ ଗ୍ରାମବାସୀ ଏକଜୁଟ ହୋଇ ଜଙ୍ଗଲ କୁ ଯାଇଥିଲେ।ଏହି ସମୟରେ ପୁଣି ଭାଲୁଟି ରବିରଣା କୁ ଆକ୍ରମଣ କରିଥିଲା।ଫଳରେ ଗ୍ରାମବାସୀ ମିଳିତ ଭାବେ ଭାଲୁ କୁ ମାରିଦେଇଥିଲେ । ଭାଲୁ ର ଆକ୍ରମଣ ରେ ରତନ ମାଝୀ , ନକୁଳ ମଝି ଓ ରବି ରଣା ମୃତ୍ୟୁ ବରଣ କରିଥିବା ବେଳେ।ଗୁରୁତର ପରମେଶ୍ୱର ମାଝୀ ଓ କୁନା ମାଝୀ ଙ୍କୁ ନୂଆପଡା ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସା ଛାଲିଛି।ଏହି ଘଟଣା କୁ ନେଇ ବନବିଭାଗ ଘଟଣା ର ତଦନ୍ତ କରି ଫେରିଛି।ଭାଲୁ ଓ ମଣିଷ ମଧ୍ୟ ରେ ହୋଇଥିବା ସଂଘର୍ଷ ରେ ନିଜ ଜୀବନ ବଞ୍ଚାଇବା ବେଳେ ଭାଲୁ ର ମୃତ୍ୟୁ ବରଣ ହୋଇଛି ବୋଲି ବନଖଣ୍ଡ ଅଧିକାରୀ ପ୍ରକାଶ କରିଛନ୍ତି। ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ