ବୋଲ ବମ

ଚନ୍ଦ୍ରକଳା ଦେବୀ,ବନ୍ଧୁଗାଁ,କୋରାପୁଟ

ଶ୍ରାବଣ ମାସରେ ଶଇବ ପୀଠରେ

      କାଉଡିଆଙ୍କର ଭିଡ଼,

କାନ୍ଧେ ଜଳଭାର ଶିବଙ୍କ ଚିନ୍ତନେ

      ଚାଲିଥାଏ ବର୍ଷାଝଡ଼ ||

ପିନ୍ଧିଥାଏ ସିଏ ଗୈରିକ ବସନ

      ଶିବ ମନ୍ତ୍ର ନିରନ୍ତର,

ଖାଲି ପାଦରେସେ ଚାଲିଣ ଥାଏଯେ

      ଶିବ କରୁଣା ଅପାର ||

ବୋଲୁଥାଏ ବୋଲବମ ବୋଲବମ

      ହର ହର ବମ ବମ,

ସତ୍ୟମ ଶିବମ ସୁନ୍ଦରଂ ଶଙ୍କର

     ଡମ୍ବୁରଯେ ଡମ ଡମ ||

ଶଙ୍କର ଦୟାରୁ କିଛି ହୁଏ ନାହିଁ

    ଭଲରେ ଘରକୁ ଫେରେ,

ମାନସିକ ତାର ପୂରଣ ହୁଅଇ

    ପ୍ରଭୁଙ୍କର କରୁଣାରେ ||

କାଉଡିଆ ମାନେ ଜଳଭାର ନେଇ

     ଶିବ ମସ୍ତକେ ଢାଳନ୍ତି,

ମୁଖେ ସ୍ତୁତି କରି ଶିବଙ୍କୁ ତୋଷନ୍ତି

     ମନପ୍ରାଣେ ପୂଜିଥାନ୍ତି ||

ଭକ୍ତିପୂତ ମନେ ଡାକଇ ପ୍ରଭୁଙ୍କୁ 

     ରଖହେ ଭୋଳା ଶଙ୍କର,

ରୋଗ ବ୍ୟାଧି ନାଶି ହେକୈଳାସପତି

     ଫେଡ଼ ଦୁର୍ଗତି ମୋହର ||