ରୁପ୍ରା (ମନୀସ) : ନର୍ଲା ବ୍ଲକର ନୂତନ ବିଡ଼ିଓ ଭାବରେ ବାସନ୍ତୀ ସେଠୀ ଆଜି ଯୋଗଦାନ କରିଛନ୍ତି । ଏହି ଅବସରରେ ତାଙ୍କୁ ନର୍ଲା ବ୍ଲକ ଅଧ୍ୟକ୍ଷା ମନୋରମା ମହାନ୍ତି , ବ୍ଲକ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି, ଏବିଡ଼ିଓ ଦେବେନ୍ଦ୍ର ସାମଲ, ଜିପିଇଓ କ୍ଷୀତିଶ ଚନ୍ଦ୍ର ନାଏକ, ସେକ୍ସନ ଅଫିସର ଦିଗ ପଧାନ, ବଡବାବୁ ଗୁଣନିଧି ପଧାନ,ଏଇ ବାସୁଦେବ ମହାରଣାଙ୍କ ସମେତ ସମସ୍ତ ଯନ୍ତ୍ରୀ, ବ୍ଲକ୍ ଅଧିନ ସମସ୍ତ ପିଇଓ,ଜିଆରଏସ୍ ଓ ଅନ୍ୟାନ୍ୟ ସମସ୍ତ କର୍ମଚାରୀ ମାନେ ନୂଆ ବିଡ଼ିଓଙ୍କୁ ବ୍ଲକ ସଭା କକ୍ଷରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ । 
ରୁପ୍ରା ଓ କର୍ମେଗାଁ ପଞ୍ଚାୟତ ଦାୟିତ୍ବରେ ଥିବା ଜୁଆରଏସ୍ ଜଗଦୀଶ ଚନ୍ଦ୍ର ଭୋଇ (ଜ୍ୟୋତିଷ) ଙ୍କ କିଛିଦିନ ତଳେ ଅକାଳ ବିୟୋଗ ହୋଇଥିବାରୁ ଏକ ମିନିଟ୍ ନିରବ ପ୍ରାର୍ଥନା ସହ ଅମର ଆତ୍ମାର ସଦଗତି କାମନା କରାଯାଇଥିଲା । ଏହାପରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ଉପସ୍ଥିତ ଥିବା ସମସ୍ତ କର୍ମଚାରୀ ନିଜର ପରିଚୟ ପ୍ରଦାନ କରିଥିଲେ ।
ନୂତନ ବିଡ଼ିଓ ବାସନ୍ତୀ ସେଠୀ ଏହାପୂର୍ବରୁ କର୍ଲାମୁଣ୍ଡା ତହସିଲଦାର ଭାବରେ କାର୍ଯ୍ୟ ତୁଳାଉଥିଲେ । ସୂଚନା ମୁତାବକ ନର୍ଲାର ବିଡ଼ିଓ ପଦବୀ ଗତ ୨୦୨୧ ଅଗଷ୍ଟ ମାସରୁ ଖାଲି ରହିଥିବା ବେଳେ, କୋଭିଡ ସମୟରେ ୨୦୨୦/୨୦୨୧ ରେ ଡ଼. ବ୍ୟାସଦେବ ବେହେରା ଦାୟିତ୍ବରେ ରହି କାର୍ଯ୍ୟ କରିଥିବା ସହ ତାଙ୍କ ବଦଳି ବିନିକା ବ୍ଲକକୁ ହେବାପରେ ଯୁଧିଷ୍ଠିର ନାଏକ ବିଡ଼ିଓ ଭାବରେ ଯୋଗଦାନ କରିଥିଲେ । 
ସେ ୨୦୨୧ ଅଗଷ୍ଟ ରେ ଅନ୍ଯତ୍ର ବଦଳି ହେବାପରେ ନର୍ଲା ତହସିଲଦାର ମାନସ ରଞ୍ଜନ ତ୍ରିପାଠୀ ଅତିରିକ୍ତ ଭାବରେ ବିଡ଼ିଓ ଦାୟିତ୍ୱରେ ରହି ଉଭୟ ତହସିଲ ଓ ବ୍ଲକ କାମ କରୁଥିବା ବେଳେ ତହସିଲଦାର ଶ୍ରୀ ତ୍ରିପାଠୀ ଟ୍ରେନିଂ ନେବାପାଇଁ ଭୁବନେଶ୍ୱର ଚାଲିଯିବାରୁ ମ.ରାମପୁର ବିଡ଼ିଓ ଉତ୍ତମ ବାଗ ନର୍ଲା ବ୍ଲକର ଅତିରିକ୍ତ ଦାୟିତ୍ୱରେ ରହିଥିଲେ । ଏବେ ନର୍ଲା ପାଇଁ ଜଣେ ସ୍ଥାୟୀ ବିଡ଼ିଓ ଆସି ଆଜି କାର୍ଯ୍ୟରେ ଯୋଗଦାନ କରିଥିବାରୁ ଅଞ୍ଚଳବାସୀ ଖୁସି ବ୍ୟକ୍ତ କରିଛନ୍ତି । ନୂତନ ବିଡିଓ ବାସନ୍ତୀ ସେଠୀ ସମସ୍ତ କର୍ମଚାରୀଙ୍କ ସହଯୋଗ କାମନା କରିଥିଲେ।
ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ
