ଜଣାଣ
ମାନଗୋବିନ୍ଦ ସ୍ବାଇଁ
ବୟସ ହୋଇଲା ଶୀତର ଚାଦର
ଘୋଡାଇ ଦିଅ ହେ ମୋତେ
ଦେଉଳ ଦାଣ୍ଡରେ ବସି ରହିଥିବି
ଜପୁଥିବି ଜଗନ୍ନାଥେ।
ଗାଉଥିବି ତୋର ଭଜନ ସଂଗୀତ
ଦେହ ପାପ ଯାଉ ଛାଡ଼ି
ସକାଳ ସନ୍ଧ୍ୟାରେ ଭକ୍ତି କରୁଅଛି
ବେନି ହାତ ଭାବ ଯୋଡ଼ି।
ଝୁଣା ଧୂପ ଦେଇ ଆଳତୀ ଦେଉଛି
ଗାଉଛି ତୋର ବନ୍ଦନା
ଧରଣୀ ଦୁଃଖକୁ ଦୂର କରି ଦିଅ
ଏଇ ହେଉ ମୋ କାମନା।
ସବୁରି ଯନ୍ତ୍ରଣା ପାରି କରି ଦିଅ
ଜଗତ ଉଠୁ ଉଜ୍ଜ୍ୱଳ
ଅନ୍ଧାର ଦୂରେଇ ଆଲୋକ ପ୍ରବେଶ
ଖୁସିରହୁ ରସାସ୍ଥଳ।
ବଡ଼ଦାଣ୍ଡ ମୋର ବିଶ୍ରାମ ଘରକୁ
ମନା କର ନାହିଁ କେବେ
ଶାନ୍ତିରେ ରହିବି ଖୁସିରେ ରହିବି
ପ୍ରଭୁ ନାମ ଜପି ଦମ୍ଭେ
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
