ଡାବୁଗାଁ, ୨୮/୭ ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଡ଼ଙ୍ଗରିଗୁଡା ପଞ୍ଚାୟତ ପାଖରେ ଥିବା ଆମ୍ବବଗିଚା ର ଏକ ଅମ୍ବଗଛ ଉପରକୁ ଏକ ନାବାଳିକା ଗୁରୁବାର ଅପରାହ୍ନ ପ୍ରାୟ ୩ ଘ ସମୟରେ ଚଢି ଯାଇ ନିଜ ଓଢଣୀ ସାହାଯ୍ୟରେ ଆତ୍ମହତ୍ୟା କରିବାକୁ ଉଦ୍ୟମ କରିଥିବା ଦେଖାଯାଇଛି | ସୂଚନାଯୋଗ୍ୟ:- ଟଇଁଲାଗୁଡା ଗ୍ରାମର ବଂଶୀ ଗଉଡ ଙ୍କ ନାବାଳିକା ଝିଅ ସବିତା ଗଉଡ (୧୬) ଗତ କିଛି ବର୍ଷ ହେଲା ଡ଼ଙ୍ଗରିଗୁଡା ସ୍ଥିତ ନିଜ ଅଜା ଙ୍କ ଘରେ ରହିଆସୁଥିଲେ | କୌଣସି କାରଣରୁ ସବିତା ଆଜି ଅପରାହ୍ନରେ ଘରୁ ଚାଲିଯାଇ ନିଜ ଘରପାଖ ରେ ଥିବା ଆମ୍ବ ବଗିଚା ର ଏକ ଗଛରେ ଚଢିଯାଇ ନିଜ ଓଢଣୀ ସାହାଯ୍ୟରେ ଆତ୍ମହତ୍ୟା କରିବା କୁ ଉଦ୍ୟମ କରୁଥିବା ସମୟରେ ସେହି ଗ୍ରାମର ଏକ ଯୁବକ ସଭାସିଂ କୁମ୍ଭାର ଏହାକୁ ଦେଖିଥିଲେ | ପରେ ସେ ସେହି ଗଛ ଉପରେ ଚଢି ଯାଇ କବିତାଙ୍କୁ ଧରି କରି ପାଟି କରି ନିକଟ ରେ ଥିବା ଲୋକଙ୍କୁ ଡ଼ାକିଥିଲେ | ପରେ ସ୍ଥାନୀୟ ଲୋକେ ସେଠାରେ ପହଞ୍ଚି ଡାବୁଗାଁ ଅଗ୍ନିସମ ବିଭାଗ କୁ ଖବର ଦେଇଥିଲେ | ଅଗ୍ନିସମ ବିଭାଗ ର କର୍ମଚାରୀ ସେଠାରେ ପହଞ୍ଚି ଉକ୍ତ ୨ ଜଣ ଙ୍କୁ ଗଛ ଉପରୁ ଉଧାର କରିବାପାଇଁ ଯାଇଥିଲେ | ପ୍ରାୟ ୨ ଘଣ୍ଟା ସମୟ ଚେଷ୍ଟା କରିବା ପରେ ଅଗ୍ନିସମ ବିଭାଗ ର କର୍ମଚାରୀ ଏଲ ଏଫ ଏମ ଉପେନ୍ଦ୍ର ମହାରଣା , ମଙ୍ଗଳଦାନ ହିକକ୍କା , ମାନସିଂ ଶବର, ହେମନ୍ତ ନାୟକ, ମଳୟ ନାୟକ, ପ୍ରଶନ୍ନ ବିଶ୍ଵାଳ ସେମାନଙ୍କୁ ଉଦ୍ଧାର କରିଥିଲେ | ଉଦ୍ଧାର ପରେ ଉକ୍ତ ନାବାଳିକା ଙ୍କୁ ଡାବୁଗାଁ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର କୁ ନିଆଯାଇଥିଲା | ସେଠାରେ ଡାକ୍ତର ଡଃ ଏସପି ଶତପଥି ସବିତାଙ୍କ ଅବସ୍ଥା ଠିକ ଥିବା କହିଥିଲେ | ଗଛ ଉପରେ ଚଢି ସାହସର ସହ ନାବାଳିକାର ଜୀବନ ରକ୍ଷା କରିଥିବା ରୁ ସଭାସିଂ ଙ୍କୁ ଡାବୁଗାଁ ସାମ୍ବାଦିକ ସଂଘ ତରଫରୁ ତାଙ୍କୁ ଧନ୍ୟବାଦ ଅର୍ପଣ କରାଯାଇଛି | ଏହି ସାହସିକତା ଜନସାଧାରଣଙ୍କ ଉଦାହରଣ ପାଲଟିଥିବା ଚର୍ଚ୍ଚାର ବିଷୟ ପାଲଟିଛି |
ପ୍ରଜ୍ଞାରଞ୍ଜନ ପରିଡା, ଡାବୁଗାଁ ଙ୍କ ରିପୋର୍ଟ