କୋକସରା,୩୧/୭- ( ମ ନି ସ୍ ) କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ମାଝୀଗୁଡା ପଞ୍ଚାୟତ ମହୁଳମୁଣ୍ଡା ଗାଁର ଧବଳେଶ୍ବର ରାଉତ(୪୧) ଙ୍କ ଝିଅ ଜୟନ୍ତି ରାଉତ (୧୮) ଗତ ୨୬ ତାରିଖ ରାତିରୁ ନିଜ ଘରୁ ନିଖୋଜ ହୋଇଯାଇଛି। ପରିବାର ବର୍ଗ ଝିଅକୁ ନିଜ ସମ୍ପର୍କୀୟ ଘର ସମେତ ବିଭିନ୍ନ ସ୍ଥାନରେ ଖୋଜାଖୋଜି କରିବା ପରେ ମଧ୍ୟ କୌଣସି ସନ୍ଧାନ ନ ପାଇବାରୁ ଧବଲେଶ୍ୱର ଗତ ୨୮ ତାରିଖ ସନ୍ଧ୍ୟାରେ କୋକସରା ଥାନାରେ ଝିଅ ନିଖୋଜ ଥିବା ନେଇ ଏକ ଲିଖିତ ଅଭିଯୋଗ କରିଛନ୍ତି । 
ସୂଚନା ମତେ ଗତ ୨୬ ତାରିଖ ରାତିରେ ଜୟନ୍ତୀ ଖାଇବା ପରେ ନିଜ ମା ଗୀତାଞ୍ଜଳି ଓ ଭଉଣୀ ପଲ୍ଲବି ସହ ଶୋଇଥିଲେ । ହେଲେ ସକାଳରୁ ସେ ଆଉ ନଥିବା ଜାଣିବାକୁ ପାଇଥିଲେ ପରିବାର। ଜୟନ୍ତି ଯିବା ସମୟରେ ଏକ ମୋବାଇଲ ନେଇଥିବା ଜଣାପଡିଛି । ତେବେ ବର୍ତ୍ତମାନ ସେହି ମୋବାଇଲ ସ୍ୱିଚ ଅଫ ରହିଛି। ନିଖୋଜ ପର ଠାରୁ ଜୟନ୍ତି ଘରକୁ କୌଣସି ଫୋନ କିମ୍ବା ମେସେଜ ମଧ୍ୟ କରିନାହାନ୍ତି। ଏନେଇ ଜୟନ୍ତି ଙ୍କ ବାପା ଗତ ଗୁରୁବାର ଧବଳେଶ୍ବର କୋକସରା ଥାନା ରେ ଝିଅ ନିଖୋଜ ଅଭିଯୋଗ କରିବା ସହ ଶୀଘ୍ର ଝିଅ କୁ ଫେରାଇ ଆଣିବାକୁ ନିବେଦନ କରିଛନ୍ତି। କୋକସରା ଥାନାରେ କେଶ ନମ୍ବର ୩୨/୨୨ ରେ ଏକ ନିଖୋଜ ମାମଲା ରୁଜୁ ହୋଇ ତଦନ୍ତ ଜାରି ରହିଥିବା ଏଏସଆଇ ଦାମୋଦର ନାଏକ ସୁଚନା ଦେଇଛନ୍ତି।
