ଚାଷୀମାନେ ଅନୁମତି ନ ପାଇବାରୁ ଅମଳ ଧାନ ବିକ୍ରିରେ ଅସୁବିଧା

ଢେଙ୍କାନାଳ ଜିଲ୍ଲା ହରେକୃଷ୍ଣପୁର ଗ୍ରାମର ସଞ୍ଜାଦାର ଚାଷୀମାନଙ୍କୁ ଧାନ ବିକ୍ରି ପାଇଁ ଅନୁମତି ନ ମିଳିବାରୁ ସେମାନେ ବହୁତ ଅସୁବିଧା ଭୋଗ କରୁଛନ୍ତି l ସେମାନେ ଟ୍ରଷ୍ଟ ଅଧୀନ ରେ ଥିବା ବିଲ ଚାଷ କରୁଛନ୍ତି l ଟ୍ରଷ୍ଟରେ ମଧ୍ୟ ଅର୍ଥ ପ୍ରଦାନର ସୁବିଧା ଅଛି l କିନ୍ତୁ ଚାଷୀଙ୍କୁ ସରକାରଙ୍କୁ ବିକ୍ରି କରିବାର ଅନୁମତି ନ ମିଳିବାରୁ ବେପାରୀମାନଙ୍କୁ ଶାଗ ମାଛ ଦରରେ ବିକ୍ରି କରି ବହୁତ କ୍ଷତି ସହିବାକୁ ପଡୁଛି l ସରକାରଙ୍କୁ ଧାନ ବିକ୍ରି କରିବା ପାଇଁ ଆମକୁ ଆମ ଜମି ମାଲିକର ଆଧାର ସମେତ ଅନ୍ୟ ଦସ୍ତାବିଜ ଆବଶ୍ୟକ କିନ୍ତୁ ଏହି ଟ୍ରଷ୍ଟରୁ ଉପରୋକ୍ତ ଦସ୍ତାବିଜ ହାସଲ କରିବାର ଚାଷୀମାନେ ଅକ୍ଷମ l ରାଜ୍ୟ ସରକାର ଧାନ କୁଇଣ୍ଟାଲ ପ୍ରତି 2950 ଟଙ୍କା ପ୍ରଦାନ କରିବାକୁ ସୁପାରିଶ କରିଥିବା ବେଳେ ଏହା ଏ ପର୍ଯ୍ୟନ୍ତ କାର୍ଯ୍ୟକାରୀ ହୋଇନାହିଁ l ଏବେ ସମବାୟ ସମିତି ମାଧ୍ୟମରେ 2000 ଟଙ୍କାରେ ଧାନ କୁଇଣ୍ଟାଲ କିଣିବାକୁ ନିଷ୍ପତି ନିଆଯାଇଛି l କିନ୍ତୁ ଚାଷୀଙ୍କୁ ବିକ୍ରି କରିବାକୁ ଅନୁମତି ନ ମିଳିବାରୁ ସେମାନେ ଅଧିକ ଟଙ୍କା ଖର୍ଚ କରି ଧାନ ଅମଳ କରୁଛନ୍ତି କିନ୍ତୁ କମ ଟଙ୍କାରେ ବେପାରୀଙ୍କୁ ଦେଉଛନ୍ତି l ତେଣୁ ଏହି କଥାକୁ ବିଚାରକୁ ନେଇ ସଞ୍ଜା ଚାଷୀଙ୍କୁ ଧାନ ବିକ୍ରିର ଅନୁମତି ମିଳିଲେ ସେମାନେ ଉପକୃତ ହେବେ ବୋଲି ମତପ୍ରକାଶ କରିଛନ୍ତି l ଏଥିପାଇଁ ସେମାନେ ଏକ ଲିଖିତ ଦାବି ଜିଲ୍ଲପାଳଙ୍କ ନିକଟରେ ଦାଖଲ କରିଛନ୍ତି l

ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ