ଜଣାଣ

ମାନଗୋବିନ୍ଦ ସ୍ବାଇଁ

କାଳିଆ ଜୁହାର ବଳିଆ ଜୁହାର

    ଜୁହାର ସାନ ଭଉଣୀ

ସରବେ ଜୁହାର ପୂଜା ଫୁଲ ଦେଇ

   କହୁଛି ଦୁଃଖ କାହାଣୀ।

ତୋଧଣ୍ଡା ତୂଳସୀ ପାଦୁକା ପାଇଲେ

   ମନରେ ଆସେ ପବିତ୍ର

ଯୁଆଡ଼େ ଯାଉଛି ତୋ ନାମ ଧରିକି

    ପଥ ଦିଶୁଛି ସ୍ବତନ୍ତ୍ର।

ମଥାରେ ଚନ୍ଦନ ହାତେ ନେଇ ଜଳ

   ମନ୍ତ୍ର ପବିତ୍ର ଶରୀର

ଯେତେ ଦୁଃଖ ଆସେ ପ୍ରଭୁ ପାରି କର

   ଏତିକି ମାଗେ ପୟର।

ଯୁଆଡ଼େ ଥିଲେବି ନାମ ଧରି ଦେଲେ

     ପାପ ହୋଇ ଯାଏ ସଫା

ପ୍ରଭୁଙ୍କ ଭଜନ ଗାଇ ଦେଲେ ଥରେ

     ଭକ୍ତିରେ ମିଳଇ ଶୋଭା।

ଚନ୍ଦନ ସୁବାସ ମହକ ବାସୁଛି

   ଭକତ ଆସଇ ସ୍ରୋତ

ତୋ ଭୋଗ ପ୍ରସାଦ ଆନନ୍ଦ ରହିଛି

    ଭକ୍ତ କୁ ମିଳେ ଅମୃତ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା