ଜଣାଣ

ମାନଗୋବିନ୍ଦ ସ୍ବାଇଁ

ମୋ ମୁଣ୍ଡ ବୋଝକୁ କାଢ଼ି ନିଅ ପ୍ରଭୁ

    ଲାଗିବି ତବ ସେବାରେ

ଦାଣ୍ଡ ଠାରୁ ବାରି ପରିଷ୍କାର କରି

    ପୂଜା ଦେବି ତ ଶାନ୍ତିରେ।

ଧୂପ ଦୀପ ଦେଇ ଚନ୍ଦନ ଲଗାଇ

    ଜାଳିବି ଭକ୍ତିରେ ବତୀ

ଭଜନ ଜଣାଣ କୀର୍ତ୍ତନ କରିକି

    କରୁଛି ତୁମର ସ୍ତୁତି।

ଗରୁଡ଼ ସ୍ତମ୍ଭରୁ ବାନାକୁ ଚାହିଁଲେ

   ନେତ୍ର ହେଲା ମୋ ପବିତ୍ର

ସିଂହ ଦ୍ବାର ପାଶେ ପ୍ରହାର ବାଜିଲେ

    ପାପ ଛାଡ଼ି ଯାଏ ମାତ୍ର।

ପାଦ ପଡ଼ି ଗଲେ ବାଇଶି ପାହାଚେ

    ମନ ହୁଏ ଭକ୍ତି ସ୍ରୋତ

ଦର୍ଶନ କରିଲେ ମିଳିବ ପ୍ରଭୁଙ୍କ

    ମୋ ଜୀବନର ଅମୃତ।

ଏତିକି କରୁଣା ପ୍ରଭୁ ଠାରୁ ଆଶା

      ଶରଣ ନେଉଛି ପାଦ

ଜୀବ ଥିବା ଯାଏ ତୁମରି ନାମକୁ

    ମୋ ପାଇଁ ପ୍ରଭୁ ସଂପଦ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା