ଚନ୍ଦାହାଣ୍ଡି – (8/8 ମ ନି ସ) ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକର ବିଭିନ୍ନ ସାର ଦୋକାନକୁ ଜିଲ୍ଲା ମୁଖ୍ୟକୃଷି ଅଧିକାରୀ ଆୟୂର୍ଦେହି ମିଶ୍ର,ବ୍ଲକ କୃଷି ଅଧିକାରୀ ଗଜାନନ ସାହୁ, ସହକାରୀ କୃଷି ଅଧିକାରୀ ଅମିତ କୁମାର ମଲିକ ଏକ ଟିମ ସହ ତନଖି କରିଥିଲେ l ଉକ୍ତ ଟିମ ମହମ୍ମଦ ଏଜାଜ ଙ୍କ ସାର ଦୋକାନ ପରିଦର୍ଶନ କରିଥିଲେ l ପରିଦର୍ଶନ ପରେ ସାର ଦୋକାନୀ ଦୋକାନ ସମ୍ମୁଖରେ ସାଇନ ବୋର୍ଡ, ଦର ତାଲିକା, ଷ୍ଟକ ପୋଜିସନ,ଲାଇସେନ୍ସ କପି ଟାଙ୍ଗୀବାରେ ଅନିୟମିତତା ଲକ୍ଷକରି ଅସନ୍ତୋଷ ପ୍ରକାଶ କରିବା ସହ ଦୋକାନୀଙ୍କୁ ତାଗିଦ କରିଥିଲେ l କେତେକ ଦୋକାନରେ ଷ୍ଟକ ଖାତା ଓ ବିକ୍ରୟ ଖାତା ଠିକ ନଥିବାରୁ ପରବର୍ତୀ ପରିଦର୍ଶନ ସମୟରେ ଠିକ କରିବା ପାଇଁ ପରାମର୍ଶ ଦେଇଥିଲେ l ପ୍ରକାଶ ଯେ ଚନ୍ଦାହାଣ୍ଡି ବ୍ଲକ ରେ ଚାଷୀମାନେ ସାର ବ୍ୟବହାର ଅଧିକ କରୁଥିବା ସହ ଜଙ୍ଗଲ ଜମିରେ ମକା ଚାଷ କରୁଥିବାରୁ ଆବଶ୍ୟକ ପରିମାଣରୁ ଅଧିକ ସାର ଦରକାର ପଡୁଛି l ସରକାର କୃଷି ବିଭାଗ ର ଚାଷ ଅନୁସାରେ ସାର ଯୋଗାଉ ଥିବାବେଳେ, ଜଙ୍ଗଲ ଜମିରେ ଚାଷ ପାଇଁ ସାର ଯୋଗାଉ ନାହାନ୍ତି l ତେଣୁ ସମସ୍ତ ଚାଷୀ ଙ୍କୁ ନିଜ ଆଧାର କାର୍ଡ ରେ ସରକାରୀ ମୂଲ୍ୟ ରେ ସାର ଦେବା ପାଇଁ ଦୋକାନୀ ଙ୍କୁ କହିଥିଲେ l
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
