ଢେଙ୍କାନାଳ:ଶ୍ୟାମାଚରଣପୁର ସ୍ଥିତ ଆଦୃତା ଶିଶୁ ସଦନର ଅନ୍ତେବାସୀମାନେ ଆଜି ସାମୁହିକ ଜନ୍ମଦିନ ପାଳନ କରିଛନ୍ତି । ୭୫ ଜଣ ଶିଶୁ ନୂତନ ବସ୍ତ୍ର ପିନ୍ଧିବା ସହ ପୁଜାର୍ଚ୍ଚନା କରିଥିଲେ । ଏହି ଅବସରରେ ଅନୁଷ୍ଠାନର ଅଧ୍ୟକ୍ଷ ପ୍ରଫେସର ଆଦିତ୍ୟ କୁମାର ମହାନ୍ତିଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ଉକ୍ରଳ ବିଶ୍ୱବିଦ୍ୟାଳୟର ପ୍ରାକ୍ତନ କୁଳପତି ପ୍ରଫେସର ଡ. ବିନାୟକ ରଥ ମୁଖ୍ୟଅତିଥିଲ ଭାବେ ଯୋଗଦେଇଥିବା ବେଳେ ସମ୍ମାନୀତ ଅତିଥିଭାବେ ବିରଜା ପ୍ରସାଦ ସିଂହଦେଓ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଅନୁରାଧା ଗୋସ୍ୱାମୀ ଯୋଗଦେଇଥିଲେ । ଜୀବନରେ ଉଚ୍ଚ ଆଶା ନେଇ କାର୍ଯ୍ୟକରିବାକୁ ଅତିଥିମାନେ ପରାମର୍ଶ ଦେଇଥିଲେ । ଅବସରପ୍ରାପ୍ତ ପ୍ରାଧ୍ୟାପକ ଡ. କୁଳମଣୀ ନାୟକ ସ୍ୱାଗତ ଭାଷଣ ଦେଇଥିବା ବେଳେ ରୋଟାରିଆନ ରାଜ କିଶୋର ବେହେରା ଧନ୍ୟବାଦ ଦେଇଥିଲେ । ପରେ ଶିବ ପ୍ରସାଦ ପଣ୍ଡାଙ୍କ ସଂଯୋଜନାରେ ଅନ୍ତେବାସୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।
କାମାକ୍ଷାନଗରରୁ ପ୍ରହ୍ଲାଦ ମୁଦୁଲି ଙ୍କ ରିପୋର୍ଟ
