ପାପଡାହାଣ୍ଡି,17/08, ମନିସ -ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୋକିଆ ପଞ୍ଚାୟତ ଅନ୍ତର୍ଗତ ଡଙ୍ଗରିଗୁଡା ରେ ଏକ ଶିଶୁ କନ୍ୟା ବୁଧବାର ଟୀକା ନେବା ପରେ ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି | ଏନେଇ ପରିବାର ଲୋକ ପାପଡାହାଣ୍ଡି ମେଡିକାଲ ଅଧିକାରୀ ପ୍ରିୟ ରଞ୍ଜନ ବାହାଲିଙ୍କୁ ଲିଖିତ ଅଭିଯୋଗ କରିଛନ୍ତି | ଶିଶୁ କନ୍ୟାର ମୃତ୍ୟୁକୁ ନେଇ ଗ୍ରାମରେ ଏକ ପ୍ରକାର ର ଭୟ ର ବାତାବରଣ ଦେଖା ଦେଇଛି | ସୂଚନା ଅନୁଯାୟୀ ଡଙ୍ଗରିଗୁଡା ଗ୍ରାମରେ ଟୀକା କରଣ ଥିଲା | 
ଜଗନ୍ନାଥ ସୌରାଙ୍କ ଚାରି ମାସର ଶିଶୁ କନ୍ୟା କୁ ମେଡିକାଲ ତରଫରୁ ଏଏନଏମ ଘରକୁ ଯାଇ ଟୀକାକାରଣ କରିଥିଲେ | ଟୀକା କାରଣ କରିବାର 45 ମିନିଟ ପରେ ଶିଶୁ କନ୍ୟା ଟି ର ମୃତ୍ୟ ହୋଇଯାଇଥିଲା | ପୂର୍ବରୁ ଶିଶୁ କନ୍ୟା ର ବାପା ପତ୍ନୀ କୁ ଟୀକାକାରଣ କରିବାକୁ ମନା କରି ଚାଷ ଜମି କୁ ଚାଲିଯାଇଥିଲେ | ପରେ ସେ ଖବର ପାଇଥିଲେ ଯେ ଟୀକା ନେବା ପରେ ଶିଶୁ କନ୍ୟା ର ମୃତ୍ୟ ହୋଇଯାଇଛି | ଏନେଇ ସେ ସ୍ୱାସ୍ଥ୍ୟ ବିଭାଗ କୁ ଦାୟୀ କରିଛନ୍ତି | ଟୀକା ନେବା ପରେ ଶିଶୁର ଦେହରେ ପ୍ରତିକ୍ରିୟା ହୋଇଥିବା ଅଭିଯୋଗ କରିଛନ୍ତି | ସେ ଲିଖିତ ଆକାରରେ ପାପଡାହାଣ୍ଡି ମେଡିକାଲ ଇନଚାର୍ଜ କୁ ଅବଗତ କରିଛନ୍ତି | ଖବର ପାଇବା ପରେ ପାପଡାହାଣ୍ଡି ମେଡିକାଲ ଡାକ୍ତର ଦିଲୀପ ଦଳେଇ ଓ ବି ପି ଏମ ନିବେଦିତା ମହାନ୍ତି ଡଙ୍ଗରିଗୁଡା ଯାଇ ଶିଶୁ କନ୍ୟାର ମୃତ୍ୟୁ ତଦନ୍ତ କରି ଫେରିଛନ୍ତି | ପରିବାର ଲୋକଙ୍କୁ ଶବ ବ୍ୟବଛେଦ କରିବା ପାଇଁ ଡାକ୍ତର ପରମର୍ଶ କରିଥିଲେ କିନ୍ତୁ ପରିବାର ଲୋକେ ଅରାଜି ହୋଇଥିଲେ | ତେବେ ଘଟଣାକୁ ନେଇ ଅଂଚଳରେ ଟୀକା ନେଇ ଦ୍ୱନ୍ଦ୍ୱ ହୋଇଛି | ଯଦି ଶିଶୁ କନ୍ୟାର ଦେହରେ ପ୍ରତିକ୍ରିୟା ଦେଖାଦେଲା ତାହାର ପ୍ରତିକାର କାହିଁକି କରାଗଲା ନାହିଁ ବୋଲି ପ୍ରଶ୍ନ ଉଠିଛି | ଟୀକା କୁ ନେଇ ଗ୍ରାମରେ ଦ୍ୱନ୍ଦ୍ୱ ସୃଷ୍ଟି ହୋଇଛି | ତଦନ୍ତ ରିପୋଟ ଆସିଲେ ପ୍ରକୁତ କଥା ଉନ୍ନମଚନ ହୋଇପାରେ |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
