ଆସହେ ନନ୍ଦ ଦୁଲ୍ଲାଳ ମୋର
ଆସହେ ନନ୍ଦ ଦୁଲ୍ଲାଳ ମୋର
ଗୋପୀ ଚିତ୍ତ ଚୋର ଶ୍ରୀରଙ୍ଗାଧର।।
ସଜ ହୋଇଅଛି ଝୁଲଣ ତୁମର
ଝୁଲଣାରେ ଝୁଲି ଦିଶିବ ସୁନ୍ଦର।।
ଗୋପ ଗୋପୀବାଳା ଏକଠାବ ହୋଇ
ଆସିବା ବାଟକୁ ଅଛନ୍ତି ଅନାଇ।।
ଗୁନ୍ଥି ଆଣିଚି କେ କୁସୁମର ହାର
କେ ଧରିଚି ହସ୍ତେ ଆଳଟ ଚାମର।।
ଘୋରି ଆଣିଚି କେ ସୁବାସ ଚନ୍ଦନ
କରିବାକୁ ପ୍ରଭୂ ଶ୍ରୀ ଅଙ୍ଗେ ଲେପନ।।
ଅଗୁରୁ କୁଙ୍କୁମ ମହକ କର୍ପୂର
ମୟୂର ପୁଚ୍ଛକୁ ଆଣି ତତପର।।
ସୁବେଶ କରିବେ ଗୋପ ଗୋପୀବାଳା
ଆସହେ ମୋହନ ନ କରିଣ ହେଳା।।
କର୍ଣ୍ଣରେ କୁଣ୍ଡଳ ନୟନେ କଜ୍ଜଳ
ଶିରେ ଠିଆ ଚିତା ଚନ୍ଦ୍ର ସମତୁଳ।।
ଶୁଭେ ଭେରି ତୁରୀ ଉତ୍ସାହ କାହାଳି
ଶ୍ରୀ ଗୋବିନ୍ଦ ବୋଲି ଦ୍ୟନ୍ତି କରତାଳି।।
ଶୁଭେ ହରିବୋଲ ଓ ହୁଳହୁଳି
ଘଣ୍ଟ ଶଙ୍ଖ ନାଦ ପଡେ ଉଛୁଳି।।
ସରଗରେ ଦେବ ହୁଅନ୍ତି ଅଧିର
ପୁଷ୍ପ ବୃଷ୍ଟି କରିବେ କାହା ଶିର।।
ଦୟାମୟ ପ୍ରଭୁ ଠଣ ସୁନ୍ଦର
ଭକତ ଜନ ଙ୍କୁ କର ଉଦ୍ଧାର।।
ଭକତ ଙ୍କ ତୁମେ ଧନ ସଙ୍ଖାଳୀ
ସୁଦୟା କରିବ ହେ ବନମାଳୀ।।
ମମତା ସାହୁ
ଗାଈଗାଁ,କଳାହାଣ୍ତି