ଫେରାର ଫଗୁଣ 

ଫାଜିଲ ଫଗୁଣ ଫାଶରେ ଫସିଲା

  ପ୍ରକୃତି ଫୁଲ ମତି

କୋଇଲି ଗାଇଲା କାମ କଳା ଗୀତି

  କୁହୂକୁହୁ ଦିନ ରାତି ।

ଅନ୍ଧାର ପୂର୍ବରୁ ଅସ୍ତ ସୂର୍ୟର

  ଅରୁଣିମା ପଡେ ନଇଁ

ଦ୍ଵିତୀୟା ଜହ୍ନକୁ ଯାମିନି ଖୋଜିଲା

  ଜହ୍ନ ଖୋଜୁ ଥିଲା କଇଁ ।

ରଜନୀଗନ୍ଧ।ର ରତିଏ ସ୍ବପ୍ନକୁ

  ଋତିମତିର ଆଶା

ମନସ୍ଵିନୀର ମୁକ୍ତ କବରୀରେ

  ମଲ୍ଲି ମାଳତୀ ମିଶା ।

ଚଇତି ରାତିରେ ଚୋରା ପିରତି କୁ

  ଚାହିଁଥିଲା ରାଜଜେମା

ଆମ୍ରପଲ୍ଲୀର ତାମ୍ର ପତ୍ରରେ

  ତରବର ରାଜି ନ।ମା ।

ବାସି ହେଉଥିଲା ଶୁଭ୍ର ଶେଫାଳୀ

  ଖସି ପଡୁଥିଲା ହେନ।

ଫେରିବନି ଆଉ ଫେରାର ଫଗୁଣ

  ଆସନ୍ତା ସ।ଲକୁ ଅନା ।

କାଙ୍ଗାଳି ଚରଣ ସେଠୀ

ଅବସର ପ୍ରାପ୍ତ ବରିଷ୍ଠ ଶାଖା ପରିଚାଳକ

ଓଡ଼ିଶା ଗ୍ରାମ୍ୟ ବ୍ୟାଙ୍କ

ଯାଜପୁର ରୋଡ଼