ଦୁଆରୁ 

ଖାଲି ହାତେ ଚାଲିଗଲେ 

            ତୁମରି ଦୁଆରୁ

କି ଯଶ ରହିବ କୁହ 

           ଆହେ ମହାମେରୁ

ଦାତା ପଣ  ତୁମରତ 

          ସରିବ ଏଠାରୁ

ଖାଲି ହାତେ ଚାଲିଗଲେ………….୧ 

ଏତେ ବଡ଼ ସଂସାରର 

            ମାଲିକ ହୋଇଛ

କିକଥା ମାଗିବି କୁହ 

            ଦୁଆରୁ ଠେଲୁଛ

ଆଶା କିଛି ନାହିଁ ମୋର

            ତୁମରି ପାଖରୁ

ଖାଲି ହାତେ ଚାଲିଗଲେ………….୨ 

ଧନ ଲୋଡ଼ା ନାହିଁ ମୋର 

           ମାନ ଲୋଡା ନାହିଁ

ତବ ଶ୍ରୀଚରଣରେ ଆଜି 

             କହୁଛି ଗୋସାଇଁ

କ୍ଷମା ଦିଅ କ୍ଷମା ନିଧି 

              ମାୟା ଜଞ୍ଜାଳରୁ

ଖାଲି ହାତେ ଚାଲିଗଲେ 

            ତୁମରି ଦୁଆରୁ……….୩

ସତ୍ୟରଞ୍ଜନ ସ୍ୱାଇଁ

ଅବଦଲପୁର, ଯାଜପୁର