ଜଣାଣ

ମାନଗୋବିନ୍ଦ ସ୍ବାଇଁ

ସକାଳୁ ଉଠିଲେ ତୋ ନାମ ଧରୁଛି

        ଦିନଟି ରଖିବ ସୁଖ

ତୋତେ ଚାହିଁ ଦେଲେ ମନ ଖୁସି ହୁଏ

    ତୁମେ ମୋ କଳାଶ୍ରୀମୁଖ।

ତୁମ ମୁଖ ଚାହିଁ ଚାଲୁଅଛି ପଥ

   ଦିଅ ମୋତେ ଶୁଭ ବୁଧି

ମନ୍ଦ କଥା ସବୁ ମନୁ ଛାଡ଼ି ଯାଉ

    ହୃଦୟ ଆସୁ ପ୍ରଶାନ୍ତି।

ନାମକୁ ସ୍ମରଣ କରୁଛି ଜଣାଣ

   ଶୁଦ୍ଧ ଚିତ୍ତେ ମୋ ଭଜନ

ଜଗତ ହିତରେ ମୋ ଜୀବନ ଥାଉ

  ପ୍ରଭୁ ଘେନ ମୋ ପ୍ରଣାମ।

ଯେଉଁ ଦିନ ପ୍ରଭୁ ଦର୍ଶନ ନ କଲି

    ମନ ହୁଏ ବିଚଳିତ

ତୂଳସୀ ପତର ପାଦୁକା ପାଇଲେ

    ହୃଦୟ ଝରେ ଅମୃତ।

ଧୂପ ଦୀପ ଦେଇ ନିତି କରି ପୂଜା

      ସଦା କାଳେ ନାମ ଜପ

ଜପରେ ପାଇବି ଭକ୍ତିରେ ଭେଟିବି

   ପ୍ରଭୁ ଦୂର କର ପାପ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା