Uncategorizedନର୍ମଦା ନାୟକ ଙ୍କ କବିତା ଜୀବନ ନଈ by Sunil Chandra NayakAugust 26, 20220107 Share0 ଜୀବନ ନଈ ଗୋଲାପର ଶେଯ ନୁହଇଁ ଜୀବନ ସୁରଭି ବାସନା ନେଇ ବନ୍ଧୁର ପଥର କଣ୍ଟକିତ ପଥେ ଧାବଇ ଜୀବନ ନଈ l ସର୍ପିଳ ଗତିରେ ଘାତ ପ୍ରତିଘାତେ ଅବିଶ୍ରାନ୍ତ ଗତିନେଇ ଫେରିବା ପଶ୍ଚାତେ ଧରମ ବିରୁଦ୍ଧ ଜନମ କାଳୁ ଶିଖଇ l ସ୍ମୃତି ବିସ୍ମୃତିର କେତେ ଯେ ଶାମୁକା ରହିଛି ଲୁଚି ଗରଭେ ଅଦୃଷ୍ଟ ନାଉରୀ ମେଲି ଅଛି ନାଆ ଜୀବନ ନଈର ବୁକେl ଦୂରୁଠାରି ହାତ ଡାକଇ ସାଗର ଆସ ଆସ ପ୍ରିୟତମା ହୋଇଯାଅ ଲୀନ ବିଶାଳ ବୁକୁରେ ଗନ୍ତବ୍ୟ ସ୍ଥଳ ମୁଁ ପରା l ଚିର ସହଚରୀ ସୁଖ ଦୁଃଖ ଦୁଇ କୂଳରୂପେ ନେଇ ସାଥେ ବିଭୂ କୃପା ଲଭି ସାଜି ଚିରସ୍ରୋତା ରହି ସକଳ ହୃଦୟେ l ଜୀବନ ନଈରେ ଆଶା ବିଶ୍ଵାସର ନୀଳ ଉର୍ମିମାଳା ନୃତ୍ୟେ କଳକଳ ନାଦେ ମଧୁର ମୂର୍ଚ୍ଛନା ତୋଳୁଥାଇ ଅବିରତେ l ଯିବାପାଇଁ ଅଛି ବହୁଦୂର ପଥ ସକଳ ବାଧା ଏଡାଇ ରାତ୍ରିର କାଳିମା ଦିବାର ଆଲୋକ ପଥ କିବା ପାରେ ରୋଧି? ନର୍ମଦା ନାୟକ ରାଉରକେଲା