ବାଲେଶ୍ଵର-୨୮/୮/୨୨- ମାନ୍ଯବର ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶିକ୍ଷାର ଉନ୍ନତି ପାଇଁ ଅହରହ ଉଦ୍ୟମ ଜାରି ରଖିଛନ୍ତି । ବିଦ୍ଯାଳୟ ଗୁଡିକୁ ୫-ଟିରେ ଅନ୍ତର୍ଭୁକ୍ତ କରି ରୂପାନ୍ତକରଣ କାର୍ଯ୍ୟକୁ ଦ୍ରୁତ ଗତିରେ ଆଗେଇ ନେଉଛନ୍ତି । ବାଲେଶ୍ବର ଜିଲ୍ଲାର ବିଭିନ୍ନ ବ୍ଲକରେ ଏହି କାର୍ଯ୍ୟ ଦ୍ରୁତ ଗତିରେ ଆଗେଇ ଚାଲିଥିବା ଖବର ସଂଗ୍ରହରୁ ଜଣାପଡିଛି । ପର୍ଯ୍ଯାୟ କ୍ରମେ ସମସ୍ତ ବିଦ୍ୟାଳୟର ଉନ୍ନତି କରଣ କରାଯିବାର ସୂଚନା ରହିଛି । ବାଲେଶ୍ଵର ଜିଲା ଖଇରା ବ୍ଲକ ମାଖନପୁର ପଞ୍ଚାୟତର ରାଧାରସିକ ମୋହନ ବାଳିକା ବିଦ୍ୟାଳୟ ରୁପାନ୍ତରଣ ତାଲିକାରେ ଅନ୍ତର୍ଭୁକ୍ତ ହୋଇଥିଲା । ଉଦ୍ଘାଟନ ପାଇଁ ତାରିଖ ମଧ୍ୟ ଧାର୍ଯ୍ୟ ହୋଇଥିଲା । କିନ୍ତୁ ଉଦଘାଟନକୁ ଆଗ୍ରହର ସହ ଦେଖିବାକୁ ଅପେକ୍ଷା କରିଥିବା ବିଦ୍ୟାଳୟ ପ୍ରତିଷ୍ଠାତା ପ୍ରଦୀପ କୁମାର ଦାସ(୬୪)ଙ୍କର ଉଦଘାଟନ ପୂର୍ବରୁ ହୃଦଘାତରେ ହୋଇଗଲା ମୃତ୍ୟୁ । ହଠାତ୍ ତାଙ୍କ ମୃତ୍ୟୁକୁ ନେଇ ବିଦ୍ୟାଳୟ ପରିସରରେ ଶୋକାକୋଳ ପରିସ୍ଥିତି ସୃଷ୍ଟି ହୋଇଥିଲା । ଉଦଘାଟନ କାର୍ଯ୍ୟ କିପରି ସୂଚାରୁ ଭାବେ ସମାପନ ହେବ ସେଥିପାଇଁ ସେ ନିଜେ ଏହାର ସମସ୍ତ କାର୍ଯ୍ୟକୁ ତଦାରଖ କରୁଥିଲେ । ଭଗବାନଙ୍କ ଲୀଳା ବିଚିତ୍ର । ବିଳମ୍ବରେ ପ୍ରାପ୍ତ ଖବରରୁ ଜଣାପଡିଛି ଶ୍ରୀ ଦାସ ଛାତିରେ ଯନ୍ତ୍ରଣା ଅନୁଭବ କରିବାରୁ ପରିବାର ଲୋକେ ପ୍ରଥମେ ସୋର ଓ ପରେ ବାଲେଶ୍ବର ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ଡାକ୍ତର ସେଠାରେ ଶ୍ରୀ ଦାସଙ୍କୁ ମୃତ ଘୋଷଣା କରିଥିଲେ । ଶେଷ ଇଚ୍ଛା ପୂରଣ ପୂର୍ବରୁ ଏଭଳି ମୃତ୍ୟୁ ସମ୍ପୃକ୍ତ ଅଞ୍ଚଳବାସୀଙ୍କୁ ଦୁଃଖ ଆଣିଦେଇଛି ଯାହା ଜନସାଧାରଣ ପ୍ରକାଶ କରିଛନ୍ତି । ଖବରପାଇ ଅଗଣିତ ଛାତ୍ରୀଛାତ୍ର, ଗ୍ରାମବାସୀ ଓ ଶୁଭେଚ୍ଛୁ ମାନେ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରା ଙ୍କ ରିପୋର୍ଟ