ଓଁ ନମଃ ଗଣେଶାୟଃ
ଜୟ ଜୟ ଶ୍ରୀ ଗଣେଶ ପାର୍ବତୀ ନନ୍ଦନ
ଭକ୍କ୍ତି ପୁଷ୍ପରେ ତୁମକୁ କରେ ଆବାହନ ।
କ୍ଷୁଦ୍ର ମୂଷିକ ଯାହାର ଅଟଇ ବାହନ
ଲମ୍ବୋଦର ପ୍ରଭୁ ଆହେ ଦେଵ ଗଜାନନ ।
ଅଗ୍ରପୂଜ୍ୟ ତୁମେ ଯେ କର ଜ୍ଞାନ ପ୍ରଦାନ
ସର୍ବ ଦେବା ଦେବୀଙ୍କ ଅତି ପ୍ରିୟ ଭାଜନ ।
ମୁଖେ ବକ୍ରତୁଣ୍ଡ କପାଳେ ଟୋପେ ଚନ୍ଦନ
ଶୀମୁଖର କରେ ଅସୀମ ଶୋଭା ବର୍ଦ୍ଧନ ।
କୋଟି ସୂର୍ଯ୍ୟ ଜ୍ୟୋତି ନେଇ ସଦା ବିଦ୍ୟମାନ
ଭକ୍ତି ଭକ୍ତ ମଧ୍ୟେ ତୁମ ଅତୁଟ ଏ ବନ୍ଧନ ।
ରିଦ୍ଧି ସିଦ୍ଧି ବିନାୟକ ଦେବ ପ୍ରଭଞ୍ଜନ
କର ପ୍ରଭୁ ସଭିଙ୍କର ସଙ୍କଟ ମୋଚନ ।
ପ୍ରଣତି ଢାଳଇ କରି ଭକ୍ତି ନିବେଦନ
ଦୂର କର ପ୍ରଭୁ ସଂସାରୁ ସବୁ ଅଜ୍ଞାନ ।
ତୁମ ଆଶିଷେ ଶାଣିତ ମୋ କଲମ ମୁନ
ଝରୁଥାଉ ଶବ୍ଦ ସର୍ବଦା ମନକୁ ମନ ।।
ସସ୍ମିତେଶ ସାହୁ
ଶଙ୍ଖଚିଲା, ଯାଜପୁର
