ଜଣାଣ

ମାନଗୋବିନ୍ଦ ସ୍ବାଇଁ

କେଉଁ ପଥେ ଯିବି କିଏ ଦେବ ବାଟ

    ଏକା ସେହି ମୋ ଭରସା

କାଳିଆ ଚାହିଁଛି ହାତଠାରି ଡାକେ

  ତୋ ନାମେ କରି ବେଉସା।

ସଂସାର ଜଞ୍ଜାଳ ସଂକଟ ହେଉଛି

   ନାହିଁ ନିଯୁକ୍ତି ବ୍ୟବସ୍ଥା

ଚଳିବି କେମିତି ରହିବି କେମିତି

     ପ୍ରଭୁ ଖୋଲ କର୍ମ ସଂସ୍ଥା।

ତୋ ନାମ ଜପୁଛି ତୋ ନାମ ଭଜୁଛି

   କହ ମୋତେ କର୍ମ ସଂସ୍ଥା

ସେହି ପଥେ ଯିବି ତୋ ନାମ ଧରିକି

   ପାରି କର ଧନୀ ଚିନ୍ତା।

କାହାକୁ କେମିତି ପୁଳାଏ ଦେଉଛ

   ମୋ ପାଇଁ ହୁଅନ୍ତୁ ଦୟା

ଆଖିର ଲୁହରେ ଶରୀର ଭିଜୁଛି

   ପ୍ରଭୁ ହୁଅ ଥରେ ସାହା।

ତୋ ବାନା ଚାହିଁ କି ରହିଛି ଅନାଇ

   ଦେବେ କେବେ ଶୁଭ ଫଳ

ସେହି ଆଶା ଧରି ଭରସା କରିଛି

       ପ୍ରଭୁ ମୋ ହୃଦୟ ବଳ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା