କୋକସରା,୬ା୯- ( ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ ସାହାଜଖୋଲ ସଂରକ୍ଷିତ ଜଙ୍ଗଲ ପାଦ ଦେଶରେ ଥିବା ଅନ୍ୟତମ ପର୍ଯ୍ୟଟନ ସ୍ଥଳୀ ଗୁଡହାଣ୍ଡି ଡୋକରୀଚଞ୍ଚରା ଠାରେ ମଙ୍ଗଳବାର ଡୋକରୀ ଚଞ୍ଚରା ଉନ୍ନୟନ କମିଟି ପକ୍ଷରୁ ନୂଆଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । 
ଏହି ଅବସରରେ ଉନ୍ନୟନ କମିଟି ସଭାପତି ଭଦ୍ରଶ୍ୱର ପାତ୍ରଙ୍କ ସଭାପତିତ୍ୱରେ ସ୍ୱର୍ଗତଃ ଘାସିରାମ ପାଟ୍ଟଯୋଷୀ ଙ୍କ ଅମର ଆତ୍ମାର ସଦ୍ଗତି ନିମନ୍ତେ ୨ ମିନିଟ ନିରବ ପ୍ରାର୍ଥନା କରି ତାଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା । 
ଶୋକସଭା ମାଧ୍ୟମରେ ସ୍ୱର୍ଗତଃ ପାଟ୍ଟଯୋଷୀଙ୍କ ଅବଦାନ ଓ ଶୃତି ଚାରଣ କରାଯାଇଥିଲା । ପରେ ଉପସ୍ଥିତ ସମସ୍ତେ ଏକା ସାଙ୍ଗରେ ନବାନ୍ନ ଗ୍ରହଣ କରିଥିଲେ ଏବଂ ପରସ୍ପରଙ୍କୁ ଅଭିନନ୍ଦନ ଜଣାଇବା ସହ ନୂଆଖାଇ ଜୁହାର କରିଥିଲେ । 
ଏହାପରେ ରାଜ୍ୟ ସରକାରଙ୍କ ଅହିଂସା ରଥକୁ ଝିପିଝିପି ବର୍ଷା ସତ୍ତ୍ୱେ ପ୍ରାୟ ୫ଶହ ଲୋକଙ୍କ ଗହଣରେ ଡୋକରୀଚଞ୍ଚରା ଉନ୍ନୟନ କମିଟି ପକ୍ଷରୁ ସ୍ୱାଗତ କରାଯାଇଥିଲା । ଏହି ଅବସରରେ ମନ୍ଦିର ପ୍ରାଙ୍ଗଣରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଉନ୍ନୟନ କମିଟି ସଭାପତି ଭଦ୍ରେଶ୍ୱର ପାତ୍ର, ଉପସଭାପତି ଅଇରୀ ନାଶନ ଚିନ୍ଦା, ସାଧାରଣ ସଂପାଦକ ଘନଶ୍ୟାମ ନାଏକ, 
ଉପସଭାପତି ସୁଧିର ପାତ୍ର, ସଂପାଦକ ନିଲାମ୍ବର ନାଏକ ଓ ମଧୁବନ ପାତ୍ର, ବରିଷ୍ଠ କାର୍ଯ୍ୟକର୍ତ୍ତା ଗରୁଡଧ୍ୱଜ ମାଝି, ଟେମରା ସରପଞ୍ଚ ବରିଷ୍ଠ କ୍ଷିତିରାମ ପାତ୍ର, ଗରୀଧାରୀ ନାଏକ, ସହଦେବ ମାଝୀ, ଡୁଡୁକାଠେଙ୍ଗା ସରପଞ୍ଚ ହରିପ୍ରିୟା ନାଗ, ସମିତି ସଭ୍ୟା ପାର୍ବତି ବାଗ, ସମେତ ଖଲିଗଡ ଗ୍ରାମବାସୀ ଓ ଉନ୍ନୟନ କମିଟିର ସମସ୍ତ କାର୍ଯ୍ୟକର୍ତ୍ତା ଉପସ୍ଥିତ ରହିଥିଲେ ।
