କୋଷାଗୁମୁଡା,୧୬/୦୯(ମନିସ) ସ୍ୱାମୀ ସ୍ତ୍ରୀର ସାମାନ୍ୟ କଳହରେ ଶଳାର ଗଣ୍ଡଗୋଳ। ଶଳାର ଦଳାଚକଟାରେ ଜ୍ୱାଇଁ ମୃତ । ଏଇଭଳି ଅଭାବନୀୟ ଘଟଣା ଦେଖିବାକୁ ମିଳିଛି କୋଷାଗୁମୁଡା ବ୍ଲକ କୋଡ଼ିଙ୍ଗା ଥାନା ପଣ୍ଡୁଗୁଡା ପଞ୍ଚାୟତର ବାଦପୁର ଗ୍ରାମରେ । ମୃତ ଜ୍ୱାଇଁ ଗ୍ରାମର ଉର୍ଦ୍ଧବ ଗଉଡ଼(୪୦) । ମିଳିଥିବା ସୂଚନା ଅନୁଯାୟୀ ମୃତ ଉର୍ଦ୍ଧବ ଓ ସ୍ତ୍ରୀ ମନମତି ମଧ୍ୟରେ ଗତ ୮ତାରିଖରେ ସାମାନ୍ୟ କଥାକୁ ନେଇ ବଚସା ପରେ ଗଣ୍ଡଗୋଳ ହୋଇଥିଲା । ସ୍ୱାମି ସ୍ତ୍ରୀର କଳହର ସୂଚନା ପାଇ ପଣ୍ଡୁଗୁଡା ଗ୍ରାମରୁ ଶଳା ତୁଳସୀ ଗଉଡ଼ ଆସି ଜ୍ୱାଇଁ ସହ ପାଟିତୁଣ୍ଡ କରିବା ପରେ ମାରପିଟ କରିଥିଲେ । ଏଥିରେ ଜ୍ୱାଇଁ ଉର୍ଦ୍ଧବର ହାତ ଓ ଗୁପ୍ତାଙ୍ଗରେ ମାଡ଼ ହୋଇ ଗୁରୁତ୍ୱର ଆହତ ହୋଇଥିଲେ । ଏଥିସହ ଆହତ ଜ୍ୱାଇଁର ସମସ୍ତ ଚିକିତ୍ସା ସୁବିଧା ନିଜେ ତୁଳସୀ କରିବେ କହି ମାମଲାକୁ ଥାନାକୁ ନ ଟାଣିବା ପାଇଁ କହିଥିଲେ । ଏହାପରେ ତୁଳସୀ ଜ୍ୱାଇଁର କୌଣସି ଚିକିତ୍ସା କରାଇନଥିଲେ କି ମେଡିକାଲ ମଧ୍ୟ ନେଇ ନଥିଲେ । ଚିକିତ୍ସା ଅଭାବରୁ ଆଜି ସକାଳେ ଉର୍ଦ୍ଧବର ମୃତ୍ୟୁ ଘଟିଛି । ଏନେଇ ଆଜି ମୃତକଙ୍କ ଭାଇ ମଙ୍ଗଳସାଏ ଭତ୍ରା କୋଡ଼ିଙ୍ଗା ଥାନାରେ ଏକ ଏତଲା ଦାୟାର କରିବା ପରେ କୋଡ଼ିଙ୍ଗା ଥାନାରେ ୧୩୯/୨୨ରେ ଏକ ମାମଲା ରୁଜୁ କରାଯାଇ ତୁଳସୀ ଗୌଡ଼କୁ କୋଡ଼ିଙ୍ଗା ଥାନାରେ ଅଟକ ରଖାଯାଇଛି । ଆସନ୍ତା କାଲି ଡାକ୍ତରୀ ମାଇନା ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ତଦନ୍ତକାରୀ ଅଫିସର ଏସଡିପିଓ ଆଦିତ୍ୟ ସେନ ସୂଚନା ଦେଇଛନ୍ତି ।
କୋଷାଗୁମୁଡା ରୁ ମହେନ୍ଦ୍ର ବିଶୋଇ ଙ୍କ ରିପୋର୍ଟ