କାଶତଣ୍ଡୀ

   

    କବିତା  ସାହୁ 

ବରଷା ଚାଲିଲା ଶରତ ଆସିଲା 

ନଈ ପଠାରେ କାଶତଣ୍ଡୀ ହସିଲା 

ମନରେ ଖୁସିର ଲହରୀ ଉଠିଲା

ପାର୍ବଣ ଋତୁରେ ମାଁ ମୁହଁ ଦିଶିଲା ।

୨- ଧୋବ ଫରଫର ଦିଶଇ କି ସୁନ୍ଦର 

    ନଈ ପଠା, କ୍ଷେତ,ପୋଖରୀ ହିଡ 

    ଢେଉ ଢେଉ ନାଚ କାଶତଣ୍ଡୀର 

     ଜନ ମନ ହରେ ଶୋଭା ଅପାର। 

୩-  ଆଶ୍ବିନ କୁ ଅନୁସରଣ କରି 

    କାଶତଣ୍ଡୀ ଆସେ ମରତ ପୁରି

      ଝରା ସପନ ର ଥାଳିକୁ ଭରି

      ମରୁତ ଦେହରେ ରଙ୍ଗକୁ ବୋଳି। 

୪- ନଈ ନାଳ ସବୁ ଗଲାଣି ଶୁଖି

    ନାହିଁ ବିଲ ପାଟ ଆଉ ତ କିଛି 

     କାଶତଣ୍ଡୀ ଆଉ ଫୁଟୁନି ବେଶୀ

     ମାଆ ଦଶଭୁଜା ଆସିବେ ହସି 

      ସ୍ବାଗତ କରିବା ସଭିଏଁ ମିଶି।

             ଜୟପୁର