ଓଡିଶାରେ ସନାତନ ଧର୍ମରେ ବୈଷ୍ଣବ, ଶୈବ, ବୌଦ୍ଧ, ଜୈନ ଧର୍ମ ପ୍ରଚାର ଓ ପ୍ରସାର ଯେତେ ହୋଇଛି ସେହିପରି ଶକ୍ତି ପୀଠରେ ଦେବଦେବୀ ପୂଜାର୍ଚନା ସେତିକି କରାଯାଇଛି l କଳାହାଣ୍ଡିର ଲୋକଧର୍ମ ହେଉଛି ଶକ୍ତି ଉପାସନା l ପ୍ରକୃତି ତଥା ମାତୃଶକ୍ତିର ବିଭିନ୍ନ ସ୍ୱରୂପ ଧର୍ମ ଓ ସାମାଜିକ ଜୀବନ ପ୍ରବାହକୁ ପ୍ରଭାବିତ କରୁଛି l ଓଡିଶାର କଳାହାଣ୍ଡି ଜିଲ୍ଲାରେ ରହିଛି ଏକାଧିକ ଶକ୍ତିପୀଠ l 
ତନ୍ମଧ୍ୟରୁ ଭବାନୀପାଟଣାର ମାଁ ମାଣିକେଶ୍ବରୀ ଓ ଜୁନାଗଡ଼ର ଲଙ୍କେଶ୍ୱରୀଙ୍କ ପୀଠ ଅନ୍ୟତମ l କଳାହାଣ୍ଡିର ସରଳ ନିରୀହ ଜନତାଙ୍କ ମନରେ ରହିଛି ମାଁ ମାଣିକେଶ୍ବରୀଙ୍କ ଓ ମାଁ ଲଙ୍କେଶ୍ୱରୀଙ୍କ ପ୍ରତି ଅଗାଧ ଭକ୍ତି ଓ ତାଙ୍କର ଆଲୋକିକ ମହିମା ଉପରେ ଅଖଣ୍ଡ ବିଶ୍ୱାସ l କଳାହାଣ୍ଡିର ଜନଜୀବନ ସହ ମାଁ ନିବିଡ ଭାବରେ ଜଡିତ l ମୂଳାଷ୍ଟମୀ ଠାରୁ ବିଜୟା ଦଶମୀ ପର୍ଯ୍ୟନ୍ତ ଷୋହଳ ଦିନ ଧରି ପାଳିତ ହେଉଥିବା ଦଶହରା ପର୍ବ ମାଁ ମାଣିଙ୍କେଶ୍ୱରୀଙ୍କ ମୁଖ୍ୟ ପର୍ବ l ଏହି ଅବସରରେ ମହାନବମୀ ତିଥିରେ ପାଳିତ ହେଉଥିବା ମାଆ ମାଣିଙ୍କେଶ୍ୱରୀଙ୍କ ଛତର ଯାତ୍ରା ବିଶ୍ଵ ପ୍ରସିଦ୍ଧ l 
ଦଶହରା ପର୍ବର ମୂଳାଷ୍ଟମୀ ତିଥିରେ ପାଳିତ ହୋଇଥାଏ, ଜୁନାଗଡ଼ରେ ଖଣ୍ଡାବସା ଓ ମେଦିନୀପୁରରେ ଖଣ୍ଡାବସା l ଏହା ହେଉଛି ଏକ ଦୁଃସାହାସିକ କାର୍ଯ୍ୟ ଦେବାଦେବୀ ଆସୁଥିବା ବ୍ୟକ୍ତିମାନେ ଜଳନ୍ତା ନିଆଁରେ ଦୌଡ଼ି ଥାନ୍ତି, ଚାଲି ଥାନ୍ତି ହେଲେ ସେହି ବ୍ୟକ୍ତିମାନଙ୍କର କିଛି କ୍ଷତି ହୋଇ ନ ଥାଏ l ମାଁ ଙ୍କ ପ୍ରତି ଥିବା ଅତୁଟ ଭକ୍ତିଙ୍କୁ ଦ୍ୱିଗୁଣିତ କରିଥାଏ l ଏହା ପ୍ରତି ବର୍ଷ ଭଳି ଆଜି ଜୁନାଗଡ଼ଠାରେ ଓ ମେଦିନୀପୁରଠାରେ ଶହ ଶହ ହଜାର ହଜାର ଲୋକଙ୍କ ଭିଡରେ ଖଣ୍ଡାବସା ପାଳନ କରାଯାଇଛି l ଏଠାରେ ବାଜା, ଘଣ୍ଟ, ଶଙ୍ଖରେ ମହା ଆଡମ୍ବରରେ ପାଳିତ ହୋଇଛି l
ଜଗଜ୍ଜୀବନ ସାଙ୍କ ରିପୋର୍ଟ
