ବାଲେଶ୍ଵର,୨୪/୯/୨୩– କେନ୍ଦୁଝର ଜିଲ୍ଲା ତେଲକୋଇ ବ୍ଲକ ନିକଟସ୍ଥ ସରକାରୀ ଉପ୍ରା ବିଦ୍ୟାଳୟ ଜଟ ଠାରେ ବିଦ୍ୟାଳୟର ମିନି ବିଜ୍ଞାନ ମେଳା ଉଦଯାପିତ ହୋଇଯାଇଛି । ପୂର୍ବାହ୍ଣ ୭ଘଟିକା ସମୟରେ ମୁଖ୍ୟ ଅତିଥି ଡିମିରିଆ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ କୃତି ବିଜ୍ଞାନ ଶିକ୍ଷକ ତଥା ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା, ବାଲେଶ୍ଵରର ସଭାପତି ନାରାୟଣ ଚନ୍ଦ୍ର ସେନାପତିଙ୍କ ଦ୍ୱାରା ଏହା ଉଦଘାଟିତ ହୋଇଥିଲା । 
ଏଥିରେ ୨୭ ଜଣ କୁନି ବୈଜ୍ଞାନିକ ଅଭିନବ ପ୍ରକଳ୍ପ ସହ ଅଂଶଗ୍ରହଣ କରିଥିଲେ । ଶ୍ରୀ ସେନାପତି ଅଂଶଗ୍ରହଣ କାରୀଙ୍କୁ ଉତ୍ସାହିତ କରିବା ସଙ୍ଗେ ସଙ୍ଗେ ସଭିଙ୍କ ଭିତରେ ଥିବା ବୈଜ୍ଞାନିକ ମନୋଭାବ ଜାଗ୍ରତ ହେଲେ ଜଣେ ଜଣେ ବୈଜ୍ଞାନିକ ହୋଇପାରିବେ ବୋଲି କହିଥିଲେ । ଉକ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀଙ୍କ ଉଦ୍ୟମକୁ ଉଚ୍ଚ ପ୍ରଶଂସା କରିଥିଲେ । ବିଦ୍ୟାଳୟର ବିଜ୍ଞାନ ଶିକ୍ଷୟିତ୍ରୀ ଇନ୍ଦୁମତୀ ସାହୁ, ପ୍ରିୟଦର୍ଶିନୀ ସାହୁ ଓ ସୁମତି ସାହୁ ବିଚାରକ ମଣ୍ଡଳୀ ଦ୍ୱାରା ସମସ୍ତ ପ୍ରକଳ୍ପ ଗୁଡିକ ମୂଲ୍ୟାୟନ କରାଯାଇଥିଲା । ଏଥିରେ କନିଷ୍ଠ ବର୍ଗରେ ବିଶ୍ୱନାଥ ମହାରଣା, ରୋହନ କୁମାର ନାୟକ ଓ କର୍ମପ୍ରଜ୍ଞୀ ସାହୁ ଯଥାକ୍ରମେ ୧ମ, ୨ୟ ଓ ୩ୟ ସ୍ଥାନ ଅଧିକାର କରିଥିବାବେଳେ ବରିଷ୍ଠ ବର୍ଗରେ ରଘୁନାଥ ହୋନାଗା, ହୁସେନ କୁମାର ସାହୁ ୧ମ ଓ ୨ୟ ସ୍ଥାନ ଅଧିକାର କରିଥିଲେ । ଲଭଲି ସାହୁ, ଭକ୍ତିମତୀ ସାହୁ ଓ ଲକ୍ଷ୍ମୀପ୍ରିୟା ସାହୁ ଯୁଗ୍ମ ଭାବେ ୩ୟ ସ୍ଥାନ ଅଧିକାର କରିଥିଲେ ।
ଡିମିରିଆ ସିଆରସିସିର ସମସ୍ତ ପ୍ରଧାନ ଶିକ୍ଷକ ତଥା ଜଟ ଉଚ୍ଚ ବିଦ୍ୟାଳୟର ଶିକ୍ଷକ ମାନେ ଉକ୍ତ ମେଳା ପ୍ରିଦର୍ଶନ କରି ଶିଶୁଙ୍କୁ ଉତ୍ସାହିତ କରିଥିଲେ । ମୁଖ୍ୟ ଅତିଥି ଖୁସି ହୋଇ ସମସ୍ତ ଅଂଶ ଗ୍ରହଣକାରୀଙ୍କୁ ପୁରସ୍କୃତ କରିଥିଲେ । ବିଦ୍ୟାଳୟ ତରଫରୁ କୃତି କୁନି ବୈଜ୍ଞାନିକ ମାନଙ୍କୁ ପୁରସ୍କୃତ କରିଥିଲେ । ଉକ୍ତ କାର୍ଯ୍ୟକୁ ପ୍ରଧାନ ଶିକ୍ଷକ ନବଘନ ପାତ୍ର ପରିଚାଳନା କରିଥିବା ବେଳେ ପ୍ରକଳ୍ପ ବ୍ୟବସ୍ଥା ପରିଚାଳନା କରିଥିଲେ ରଙ୍ଗାଧର ନାୟକ । ଶେଷରେ ଶିକ୍ଷୟିତ୍ରୀ ଆରତୀ ନାୟକ ଧନ୍ୟବାଦ ଅର୍ପଣ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
