ବାଲେଶ୍ଵର,୨୭/୯/୨୨- ବାଲେଶ୍ଵର ଜିଲ୍ଲା ଖଇରା-ସିମୁଳିଆ ବ୍ଲକକୁ ନେଇ ସିମୁଳିଆ ନିର୍ବାଚନ ମଣ୍ଡଳୀ ଗଠିତ । ବର୍ତ୍ତମାନ ବିଧାୟକ ଅଛନ୍ତି ଜ୍ଯୋତିପ୍ରକାଶ ପାଣିଗ୍ରାହୀ । ନିର୍ବାଚନ ମଣ୍ଡଳୀର ବିକାଶ ପାଇଁ ମଙ୍ଗ ଧରିଛନ୍ତି ବିଧାୟକ । ବିଭିନ୍ନ ପ୍ରକାର ଶୁଭ ଶିଳାନ୍ୟାସ ମାଧ୍ୟମରେ ଲୋକପ୍ରିୟତା ବୃଦ୍ଧିରେ ଲାଗିପଡିଛନ୍ତି । ସୁବିଧା, ଅସୁବିଧା ଓ ସମସ୍ୟା ନଜରକୁ ଆସିବା ମାତ୍ରେ ଲୋକଙ୍କ ପାଖରେ ପହଞ୍ଚି ସମସ୍ୟା ସମାଧାନ କରିବା ସହିତ ସହଯୋଗର ହାତ ମଧ୍ୟ ବଢାଉଛନ୍ତି । ଯାହାଦ୍ବାରା ଲୋକମାନଙ୍କର ପ୍ରିୟ ହେବାରେ ସକ୍ଷମ ହେଉଛନ୍ତି । ଏହି ପରିପ୍ରେକ୍ଷୀରେ ଆସନ୍ତାକାଲି ଅର୍ଥାତ୍ ତା ୨୭/୯/୨୨ରିଖ ଅପରାହ୍ନରେ ଗ୍ରାମ୍ଯ ଉନ୍ନୟନ ବିଭାଗ ଏବଂ ପର୍ଯ୍ୟଟନ ବିଭାଗ ତରଫରୁ ଅନୁମୋଦନ ହୋଇଥିବା ବିଭିନ୍ନ ପ୍ରକଳ୍ପର ଶୁଭ ଶିଳାନ୍ୟାସ କାର୍ଯ୍ୟକ୍ରମ ରଖିଛନ୍ତି । ସେଥିମଧ୍ୟରୁ ୧ କୋଟି ୭୫ ଲକ୍ଷ ଟଙ୍କାର ମହତିପୁର ଠାରୁ ଚରମ୍ପା ଭାୟା ମୁସ୍ତାଫାବାଦ, ଅରଖପୁର, ତୋଟାପଡା ରାସ୍ତାର ପ୍ରଶସ୍ତିକରଣ, ଛଛିନ୍ଦା ଆର.ଡି. ରାସ୍ତା ଠାରୁ ଚୁଡୁଗାଁ ଭାୟା ସବଙ୍ଗ ଏବଂ କୁଣ୍ଡି ରାସ୍ତାର ପ୍ରଶସ୍ତିକରଣ ଓ ଉନ୍ନତିକରଣ କାର୍ଯ୍ୟକ୍ରମ ଧାର୍ଯ୍ୟ ବାରିଛନ୍ତି ବିଧାୟକ । ମାନ୍ଯବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗମନାଗମନ ସୁବିଧା ନିମନ୍ତେ ଗୁରୁତ୍ୱ ଦେଇ ଆସୁଥିବା ବେଳେ ବିଧାୟକ ନିଜ ନିର୍ବାଚନ ମଣ୍ଡଳୀରେ ରାସ୍ତା ପ୍ରଶସ୍ତିକରଣ ଓ ଉନ୍ନତିକରଣ ଉପରେ ଗୁରୁତ୍ୱ ଦେଉଥିବାରୁ ପ୍ରଶଂସାର ସୁଅ ଛୁଟୁଛି ବିଧାୟକଙ୍କ ନିକଟକୁ । ଆଗାମୀ ଦିନରେ ଏଭଳି କାର୍ଯ୍ୟକ୍ରମ ଜାରି ରହିବ ବୋଲି ବିଧାୟକ ପ୍ରକାଶ କରିଛନ୍ତି । ଖୁବ୍ ଶୀଘ୍ର ବିଜେଡି ଦଳ ତରଫରୁ ଘରକୁ ଘର କାର୍ଯ୍ୟକ୍ରମ ଆରମ୍ଭ ହେବ ବୋଲି ବିଧାୟକଙ୍କ ନିକଟତମ ପ୍ରତିନିଧିଙ୍କ ଠାରୁ ଖବର ସଂଗ୍ରହରୁ ଜଣାପଡିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
