ମ,ରାମପୁର,୧/୧୦(ମସୀହା):- କଳାହାଣ୍ଡି ଜିଲ୍ଲା ମ,ରାମପୁର ଦୁର୍ଗା ପୂଜା ଉପଲକ୍ଷେ ଆଜି ବିଲ୍ୱ ବରଣ କାର୍ଯ୍ୟକ୍ରମ ଅନୁଷ୍ଠିତ ହେଇ ଯାଇଛି। କର୍ତ୍ତା ଭାବେ ବାଳ ଗୋପାଳ ମିଶ୍ର ଦାୟିତ୍ବ ନିର୍ବାହ କରିଥିବା ବେଳେ ମୁଖ୍ୟ ପୂଜକ ତ୍ରିଲୋଚନ ଦାଶ ପୂଜା କାର୍ଯ୍ୟ ସମ୍ପାଦନ କରୁଛନ୍ତି ।
ପୂଜା ବିଭାଗର ଶିବ ପ୍ରସାଦ ଶତପଥୀ ଓ ପ୍ରଶାନ୍ତ ସାମନ୍ତରା ଯୋଗ ଦେଇ ପ୍ରାରମ୍ଭିକ କାର୍ଯ୍ୟକ୍ରମ ଵିଲ୍ଵ ବରଣ କରିଥିବା ବେଳେ ସମସ୍ତ କାର୍ଯ୍ୟକ୍ରମ କୁ ସଭାପତି ଚିରାଗ ସିଂହ ଦେଓ ଓ ସଂପାଦକ ତାପସ ମିଶ୍ର ପରିଚାଳନା କରୁଛନ୍ତି। ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଏହି ପୂଜା ଆଗାମୀ ଦଶମୀ ତିଥି ପର୍ଯ୍ୟନ୍ତ ଚାଲିବ , ପ୍ରତିଦିନ ଭିନ୍ନ ଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସମେତ ଅନେକ ବର୍ଷ ପରେ ଚଳିତ ବର୍ଷ ଚାରିଛକ ଅପେରା ପଡିଆ ଠାରେ ବିଜୟା ଦଶମୀ ତିଥି ରେ ରାବଣ ପୋଡ଼ି ଅନୁଷ୍ଠିତ ହେବ ବୋଲି କମିଟି ପକ୍ଷରୁ ସୂଚନା ପ୍ରଦାନ କରା ଯାଇଛି।
ମ. ରାମପୁରରୁ ପରମାନନ୍ଦ ବିଶି ଙ୍କ ରିପୋର୍ଟ l
